21 ഗ്രാം, ഫീനിക്‌സ് എന്നീ ചിത്രങ്ങളുടെ മികച്ച വിജയങ്ങള്‍ക്കുശേഷം ഫ്രണ്ട് റോ പ്രൊഡക്ഷന്‍സിന്റെ ബാനറില്‍ റിനീഷ് കെ.എന്‍. നിര്‍മ്മിക്കുന്ന പുതിയ ചിത്രമായ സാഹസത്തിന്റെ ടൈറ്റില്‍ ലോഞ്ച് നടന്നു. 21 ഗ്രാം എന്ന ചിത്രത്തിന്റെ സംവിധായകനായ ബിബിന്‍ കൃഷ്ണയാണ് ഈ ചിത്രം തിരക്കഥ രചിച്ച് സംവിധാനം ചെയ്യുന്നത്.
ചിത്രത്തിന്റെ ഒഫീഷ്യല്‍ ലോഞ്ച് ജനുവരി ഇരുപത്തിയെട്ട് ചൊവ്വാഴ്ച്ച കൊച്ചി കലൂരിലെ ഐ.എം.എ ഹാളില്‍ വച്ചു നടക്കും. ഐ.ടി. പശ്ചാത്തലത്തിലൂടെ അക്ഷന്‍, ഹ്യൂമര്‍ എന്നീ ഘടകങ്ങള്‍ കോര്‍ത്തിണക്കി അഡ്വഞ്ചര്‍ മൂഡിലാണ് ചിത്രത്തിന്റെ അവതരണം. ഫെസ്റ്റിവല്‍ സെലിബ്രേഷന്‍ മൂഡിലുള്ള നിറപ്പകിട്ടാര്‍ന്ന ചിത്രമായിരിക്കും സാഹസം. പ്രധാനമായും യൂത്തിന്റെ കാഴ്ച്ചപ്പാടുകള്‍ക്ക് ഏറെ പ്രാധാന്യം നല്‍കുന്ന ചിത്രം കൂടിയായിരിക്കുമിത്.
സണ്ണി വെയ്ന്‍, നരേന്‍. ബാബു ആന്റണി എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തില്‍ ബൈജു സന്തോഷ്, യോഗി ജാപി, ശബരിഷ് വര്‍മ്മ, ഭഗത് മാനുവല്‍ സജിന്‍ ചെറുകയില്‍, ടെസ്സജോസഫ്, ജീവാ ജോസഫ്, വര്‍ഷാരമേഷ് എന്നിവരും പ്രധാന വേഷങ്ങളിലെത്തുന്നു.
തിരക്കഥ, സംഭാഷണം- ബിബിന്‍ കൃഷ്ണ, യദുകൃഷ്ണദയാ കുമാര്‍, ഗാനങ്ങള്‍- വിനായക് ശശികുമാര്‍, വൈശാഖ് സുഗുണന്‍, സംഗീതം- ബിബിന്‍ അശോക്, ഛായാഗ്രഹണം- ആല്‍ബി, എഡിറ്റിംഗ്- കിരണ്‍ ദാസ്, കലാസംവിധാനം- സുനില്‍ കുമാരന്‍, മേക്കപ്പ്- സുധി കട്ടപ്പന, കോസ്റ്റ്യൂം ഡിസൈന്‍- അരുണ്‍ മനോഹര്‍, നിശ്ചല ഛായാഗ്രഹണം- ഷൈന്‍ ചെട്ടികുളങ്ങര, ഡിസൈന്‍- യെല്ലോ ടൂത്ത്, ചീഫ് അസ്സോസ്സിയേറ്റ് ഡയറക്ടര്‍- പാര്‍ത്ഥന്‍, അസ്സോസ്സിയേറ്റ് ഡയറക്ടര്‍- നിധീഷ് നമ്പ്യാര്‍, ഫൈനല്‍ മിക്‌സ്- വിഷ്ണു പി.സി., ഡിസ്ട്രിബ്യൂഷന്‍ ഹെഡ്- പ്രദീപ് മേനോന്‍, എക്‌സിക്കുട്ടീവ് പ്രൊഡ്യൂസേര്‍സ്- ഷിനോജ് ഒണ്ടയില്‍, രഞ്ജിത് ഭാസ്‌ക്കരന്‍, പ്രൊഡക്ഷന്‍ എക്‌സിക്കുട്ടീവ്- ജിതേഷ് അഞ്ചുമന, പ്രൊഡക്ഷന്‍ കണ്‍ട്രോളര്‍- ഷിഹാബ് വെണ്ണല, പി.ആര്‍.ഒ- വാഴൂര്‍ ജോസ്.
Recent Comments