സുരേഷ് ഗോപിയെ നായകനാക്കി പ്രവീണ്‍ നാരായണന്‍ സംവിധാനം ചെയ്യുന്ന ഏറ്റവും പുതിയ ചിത്രം ജെ.എസ്.കെയുടെ സെക്കന്റ് ലുക്ക് പോസ്റ്റര്‍ റിലീസ് ചെയ്തു. കോര്‍ട്ട് റൂമില്‍ വക്കീല്‍ വേഷത്തില്‍ നില്‍ക്കുന്ന സുരേഷ് ഗോപിയെയും അകത്തളത്തില്‍ നില്‍ക്കുന്ന അനുപമ പരമേശ്വരനെയും പോസ്റ്ററില്‍ കാണാം. നീതി ലഭിക്കും എന്ന കുറിപ്പോടെയാണ് സെക്കന്റ് ലുക്ക് പോസ്റ്റര്‍ താരം ഫെയ്‌സ് ബുക്കിലൂടെ പുറത്തുവിട്ടത്.
ഒരു കോര്‍ട്ട് റൂം ഡ്രാമയാണ് ചിത്രം. ജെ.എസ്.കെ. ജാനകി v/s സ്റ്റേറ്റ് ഓഫ് കേരള എന്നാണ് ചിത്രത്തിന്റെ മുഴുവന്‍ പേര്. സിനിമയുടെ ടീസര്‍ നരത്തെ റിലീസ് ചെയ്തിരുന്നു. ഒരു ഇടവേളയ്ക്കുശേഷം സുരേഷ് ഗോപി വക്കീല്‍ വേഷത്തില്‍ എത്തുന്ന ചിത്രം കൂടിയാണിത്. സുരേഷ് ഗോപിയുടെ മകന്‍ മാധവ് അഭിനയിക്കുന്നു എന്ന പ്രത്യേകതയും ജെഎസ്‌കെയ്ക്കുണ്ട്. ശ്രുതി രാമചന്ദ്രന്‍, അസ്‌കര്‍അലി, മുരളി ഗോപി എന്നിവരും ചിത്രത്തില്‍ വേഷമിടുന്നു. കോസ്‌മോസ് എന്റര്‍ടെയ്ന്‍മെന്റിന്റെ ബാനറില്‍ കിരണ്‍ നിര്‍മ്മിക്കുന്ന ചിത്രമാണിത്.
ഛായാഗ്രഹണം രണദിവ, എഡിറ്റര്‍ സംജിത് മുഹമ്മദ്, മ്യൂസിക് ഗിരീഷ് നാരായണന്‍, ഡിജിറ്റല്‍ മാര്‍ക്കറ്റിംഗ് എന്റര്‍ടൈന്‍മെന്റ് കോര്‍ണര്‍, മീഡിയ കണ്‍സള്‍ട്ടന്റ് വൈശാഖ് വടക്കേവീട് ജിനു അനില്‍കുമാര്‍, വൈശാഖ്, പിആര്‍ഒ എഎസ് ദിനേശ്.
Recent Comments