THE SUPER COP IS BACK പാപ്പന്റെ ട്രെയിലറിലെ വരികള്‍ ധ്വനിപ്പിക്കുംപോലെ സുരേഷ്‌ഗോപിയുടെ ഈ പോലീസ് വേഷവും ആവേശം കൊള്ളിക്കുന്നു. ഓരോ ഫ്രെയിമിലും ഓരോ ഷോട്ടിലും.
രണ്ട് ഗെറ്റപ്പുകളിലാണ് പാപ്പനില്‍ സുരേഷ്‌ഗോപി പ്രത്യക്ഷപ്പെടുന്നത്. മുന്നില്‍ വരുന്ന ആരെയും സഹായിക്കാന്‍ മടിയില്ലാത്ത THE MOST UNCURREPTED LEFTENENT OF KERALA POLICE ലെ എബ്രഹാം മാത്യു മാത്തന്‍ എന്ന യൗവ്വനയുക്തനായ പോലീസ് ഓഫീസറും സാള്‍ട്ട് ആന്റ് പെപ്പര്‍ ലുക്കില്‍ തീക്ഷണത പ്രവഹിക്കുന്ന ഭാവവാഹദികളോടെ മറ്റൊരു വേഷപ്പകര്‍ച്ചയിലും സുരേഷ്‌ഗോപി കളംനിറഞ്ഞ് ആടുമ്പോള്‍ ട്രെയിലര്‍ പോലെ പാപ്പന്‍ എന്ന സിനിമയും പ്രതീക്ഷയുടെ അതിരുകള്‍ ആകാശത്തോളം ഉയര്‍ത്തുന്നു.
തന്റെ തുണീരത്തിലെ അമ്പുകളുടെ പ്രഹരശേഷി കൂടിയിട്ടേയുള്ളൂവെന്ന് പാപ്പന്റെ മേക്കിംഗിലൂടെ ജോഷി പറയാതെ പറയുന്നുണ്ട്.
ആര്‍.ജെ. ഷാനിന്റെ പഞ്ച് ഡയലോഗും സിനിമയെ ഉദ്വേഗഭരിതമാക്കുമെന്ന് ഉറപ്പ്. ചെയ്യുന്നത് തെറ്റാണെന്ന് അറിയാഞ്ഞിട്ടല്ല, പക്ഷേ തോല്‍ക്കാന്‍ എനിക്ക് മനസ്സില്ലായിരുന്നു എന്ന എബ്രഹാം മാത്യു മാത്തന്റെ ഡയലോഗിനുള്ളിലും ഷാന്‍ രഹസ്യങ്ങള്‍ ഒളിപ്പിക്കുന്നുണ്ട്. സിനിമ പ്രദര്‍ശനത്തിനെത്തുംവരെ അത് രഹസ്യമായി തന്നെ തുടരട്ടെ.
ഡേവിഡ് കാച്ചാപ്പിള്ളിയും റാഫി മതിരയും ചേര്‍ന്നാണ് പാപ്പന്‍ നിര്‍മ്മിക്കുന്നത്.
Recent Comments