20 വര്‍ഷത്തിനു ശേഷം സൂര്യയും സംവിധായകന്‍ ബാലയും ഒന്നിക്കുകയാണ്. 2003 ല്‍ പുറത്തിറങ്ങിയ ‘പിതാമഹന്‍’ ആയിരുന്നു ഈ കൂട്ടുകെട്ടില്‍ ഏറ്റവും ഒടുവിലായി പുറത്തിറങ്ങിയ ചിത്രം.
ചിത്രത്തില്‍ സൂര്യയുടെ നായികയായി കീര്‍ത്തി സുരേഷ് വേഷമിടും. ഔദ്യോഗിക പ്രഖ്യാപനം ഉടന്‍ തന്നെ ഉണ്ടാകും. സൂര്യയുടെ 2ഡി എന്റര്‍ടൈന്‍മെന്റ് ആണ് ചിത്രം നിര്‍മ്മിക്കുന്നത്.
2018 ല്‍ റിലീസ് ചെയ്ത ‘താനാ സേര്‍ന്ത കൂട്ട’ത്തിലായിരുന്നു സൂര്യയും കീര്‍ത്തിയും ഒടുവില്‍ ഒരുമിച്ച് അഭിനയിച്ചത്. നിലവില്‍ തെന്നിന്ത്യയിലെ തിരക്കേറിയ നടിയാണ് കീര്‍ത്തി. മഹേഷ് ബാബു നായകനാകുന്ന ‘സര്‍ക്കാരു വാരി പാത’, ചിരഞ്ജീവിയുടെ ‘ഭോല ശങ്കര്‍’, ടൊവിനോ നായകനാകുന്ന ‘വാശി’ എന്നീ ചിത്രങ്ങളിലും കീര്‍ത്തി അഭിനയിച്ചു കൊണ്ടിരിക്കുകയാണ്. കൂടാതെ സിനിമ പ്രേമികള്‍ ഏറെ ആകാംക്ഷയോടെ കാത്തിരിക്കുന്നു ‘മരയ്ക്കാര്‍ അറബിക്കടലിന്റെ സിംഹം’ എന്ന മോഹന്‍ലാല്‍ ചിത്രത്തിലും കീര്‍ത്തി ഒരു പ്രധാന വേഷം കൈകാര്യം ചെയ്യുന്നു. ‘ഗുഡ്‌ലക്ക് സഖീ’ എന്ന സ്‌പോര്‍ട്‌സ് ചിത്രവും കീര്‍ത്തിയുടെതായി പുറത്തിറങ്ങാന്‍ ഒരുങ്ങുകയാണ്.
Recent Comments