സൂര്യയെ നായകനാക്കി സംവിധായകന്‍ വെട്രിമാരന്‍ ഒരുങ്ങുന്ന പുതിയ ചിത്രമാണ് വാടിവാസല്‍. സിനിമക്ക് വേണ്ടി നടന്‍ സൂര്യ ജെല്ലിക്കെട്ട് പരിശീലിക്കുന്ന വീഡിയോയാണ് ഇപ്പോള്‍ അണിയറക്കാര്‍ പുറത്ത് വിട്ടിരിക്കുന്നത്. ജെല്ലിക്കെട്ട് പോരാളികളോടൊപ്പം പാഞ്ഞടുക്കുന്ന കാളയെ വരുതിയിലാക്കാന്‍ ശ്രമിക്കുന്ന സൂര്യയെയും വീഡിയോയില്‍ കാണാന്‍ സാധിക്കും. ‘നോട്ട് എ ടീസര്‍’ എന്ന ക്യാപ്ഷനോട് കൂടിയാണ് വീഡിയോ പുറത്ത് വിട്ടിരിക്കുന്നത്.
സി.എസ്. ചെല്ലപ്പയുടെ വാടിവാസല്‍ എന്ന നോവലിനെ ആസ്പദമാക്കിയാണ് ചിത്രം ഒരുങ്ങുന്നത്. ജല്ലിക്കെട്ടുമായി ബന്ധപ്പെട്ടതാണ് സിനിമയുടെ ഇതിവൃത്തം. വി.സി ക്രിയേഷന്‍സാണ് ചിത്രം നിര്‍മ്മിക്കുന്നത്. ജി.വി. പ്രകാശ് ചിത്രത്തിന്റെ സംഗീത ഒരുക്കുന്നു.
സുരറൈ പോട്ര് എന്ന ചിത്രത്തിലെ അഭിനയത്തിന് മികച്ച നടനുള്ള ദേശീയ അവാര്‍ഡ് നേടിയിരിക്കുകയാണ് സൂര്യ. വാടിവാസലിന്റെ ഈ പുതിയ വീഡിയോ സൂര്യയുടെ ആരാധകര്‍ക്ക് ഇരട്ടി മധുരമാണ് നല്‍കിയിരിക്കുന്നത്.
Recent Comments