സൂര്യയെ നായകനാക്കി കാര്‍ത്തിക് സുബ്ബരാജ് സംവിധാനം ചെയ്യുന്ന ചിത്രത്തിലെ നായികയായി പൂജ ഹെഗ്‌ഡെ എത്തുന്നു. മലയാളത്തില്‍നിന്ന് ജയറാമും ജോജുജോര്‍ജും തമിഴ് ഹാസ്യനടന്‍ കരുണാകരനും ചിത്രത്തിന്റെ ഭാഗമാകുന്നു എന്ന വാര്‍ത്ത സംവിധായകന്‍തന്നെയാണ് സോഷ്യല്‍ മീഡിയയിലൂടെ പുറത്തുവിട്ടത്.
പ്രണയം, ചിരി, പോരാട്ടം എന്നാണ് ചിത്രത്തെപ്പറ്റി സൂര്യ വിശേഷിപ്പിച്ചിരിക്കുന്നത്. സൂര്യ 44 സിനിമയുടെ പ്രീപ്രൊഡക്ഷന്‍ ജോലികള്‍ ദ്രുതഗതിയില്‍ ആന്‍ഡമാനിലെ പോര്‍ട്ട് ബ്ലെയറില്‍ നടന്നുകൊണ്ടിരിക്കുന്നു.
സിരുത്തൈ ശിവ സംവിധാനം നിര്‍വ്വഹിച്ച കങ്കുവയാണ് സൂര്യയുടേതായി പ്രദര്‍ശനത്തിനൊരുങ്ങുന്ന ചിത്രം. മുന്നൂറ് കോടി ബജറ്റിലാണ് ചിത്രം ഒരുങ്ങുന്നതെന്നാണ് റിപ്പോര്‍ട്ട്.
സംവിധായകന്‍ കെ.എസ്. രവികുമാറിന്റെ ചിത്രത്തില്‍ സൂര്യ നായകനായേക്കുമെന്ന് ഒരു റിപ്പോര്‍ട്ടുണ്ട്. പക്ഷേ ഔദ്യോഗിക പ്രഖ്യാപനം ഉണ്ടായിട്ടില്ല.
Recent Comments