പ്രശസ്ത നടന്‍ ആര്‍.എസ് ശിവജി അന്തരിച്ചു. ഇന്ന് രാവിലെ ചെന്നൈയില്‍ വച്ചായിരുന്നു അന്ത്യം. 66 വയസ്സായിരുന്നു. നടനും നിര്‍മ്മാതാവുമായ എംആര്‍ സന്താനത്തിന്റെ മകനും നടനും സംവിധായകനുമായ സന്താന ഭാരതിയുടെ സഹോദരനുമാണ് ശിവജി.
അപൂര്‍വ സഹോദരങ്ങള്‍, മൈക്കിള്‍ മദന കാമരാജന്‍, അന്‍പേ ശിവം, ഉന്നൈപ്പോല്‍ ഒരുവന്‍ തുടങ്ങിയ സിനിമകളിലെ വേഷങ്ങളാണ് കൂടുതല്‍ ശ്രദ്ധയമായത്. കമലഹാസന്‍ സിനിമകളിലെ നിറസാന്നിധ്യമായിരുന്നു ശിവജി. സമീപകാലത്ത് കോലമാവ് കോകില, ഗാര്‍ഗി തുടങ്ങിയ ചിത്രങ്ങളിലെ വേഷങ്ങള്‍ നിരൂപക പ്രശംസ നേടിയിരുന്നു.
അസിസ്റ്റന്റ് ഡയറക്ടര്‍, സൗണ്ട് ഡിസൈനര്‍, ലൈന്‍ പ്രൊഡ്യൂസര്‍ എന്നീ നിലകളിലും ശിവജി പ്രവര്‍ത്തിച്ചിട്ടുണ്ട്. അടുത്തിടെ പുറത്തിറങ്ങിയ ‘ലക്കി മാന്‍’ എന്ന ചിത്രത്തിലാണ് അവസാനമായി അദ്ദേഹം അഭിനയിച്ചത്.
Recent Comments