സുരാജ് വെഞ്ഞാറമൂട്, സൗബിന്‍ ഷാഹിര്‍ എന്നിവരെ കേന്ദ്രകഥാപാത്രങ്ങളാക്കി രതീഷ് ബാലകൃഷ്ണന്‍ പൊതുവാള്‍ സംവിധാനം ചെയ്ത ചിത്രമാണ് ആന്‍ഡ്രോയിഡ് കുഞ്ഞപ്പന്‍ വേര്‍ഷന്‍ 5.25.
ഇപ്പോള്‍ ചിത്രത്തിന്റെ തമിഴ് റീമേക്കിന്റെ ഫസ്റ്റ് ലുക്ക് പുറത്തുവീട്ടിരിക്കുകയാണ് അതിന്റെ അണിയറക്കാര്‍. ‘ഗൂഗിള്‍ കുട്ടപ്പ’ എന്നാണ് ചിത്രത്തിന്റ ടൈറ്റില്‍. മലയാളത്തില്‍ സുരാജ് അവതരിപ്പിച്ച വേഷം ചെയ്യുന്നത് കെ.എസ്. രവികുമാറാണ്. ദശാവതാരം, അവ്വൈ ഷണ്‍മുഖി, തെന്നാലി, പടയപ്പ സിനിമകളുടെ സംവിധായകന്‍ കൂടിയാണ് കെ.എസ് രവികുമാര്‍. കൂടാതെ ബിഗ് ബോസ് ഫെയിം ദര്‍ശന്‍, ലൂസ്ലിയ മാറിയനേസന്‍, യോഗി ബാബു എന്നിവരും മറ്റ് പ്രധാന വേഷങ്ങളില്‍ എത്തുന്നു.
നടന്‍ സൂര്യയാണ് സിനിമയുടെ ഫസ്റ്റ് ലുക്ക് റിലീസ് ചെയ്തത്. ശബരി- ശരവണന്‍ എന്നിവര്‍ ചേര്‍ന്നാണ് ചിത്രം സംവിധാനം ചെയ്യുന്നത്. പ്രവീണ്‍ ആന്റണി എഡിറ്റിങ് നിര്‍വഹിക്കുന്ന ചിത്രത്തിന്റെ ഛായാഗ്രഹകന്‍ അര്‍വിയാണ്.
ഒരു ഫാമിലി എന്റര്‍ടെയ്‌നറായ ചിത്രം, മലയാളത്തില്‍ നിന്ന് വ്യത്യസ്തമായാണ് ഗൂഗിള്‍ കുട്ടപ്പയിലെ പ്രണയരംഗങ്ങള്‍ ഒരുക്കുന്നത് . തെങ്കാശിയിലെ ചിത്രീകരണത്തിന് ശേഷം സിനിമയുടെ ശേഷിക്കുന്ന ഭാഗങ്ങളുടെ ഷൂട്ടിനായി ഗൂഗിള്‍ കുട്ടപ്പ സംഘം ഇപ്പോള്‍ യൂറോപ്പിലാണ് ഉള്ളത്. രവികുമാറിന്റെ ആര്‍.കെ. സെല്ലുലോയിഡ്‌സ് ആണ് ചിത്രം നിര്‍മ്മിക്കുന്നത്.
Recent Comments