ത്രില്ലര്‍ ചിത്രങ്ങള്‍ക്കിടയില്‍ എക്കാലത്തെയും വലിയ തരംഗം സൃഷ്ടിച്ച ദൃശ്യത്തിനും ദൃശ്യം 2നും ശേഷം ജീത്തു ജോസഫ്-മോഹന്‍ലാല്‍ കൂട്ടുകെട്ട് വീണ്ടും ഒന്നിക്കുന്ന ത്രില്ലര്‍ ചിത്രം ’12th Man’ മെയ് 20 മുതല്‍ ഡിസ്നി+ഹോട്ട്സ്റ്റാറില്‍ പ്രദര്‍ശനം ആരംഭിക്കുന്നു.
ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിക്കുന്നത്. ചിത്രത്തിന്റെ പ്രചരണാര്‍ത്ഥം പുത്തന്‍ മാര്‍ക്കറ്റിങ് പരിപാടികളാണ് ഡിസ്നി+ഹോട്സ്റ്റാര്‍ ഒരുക്കുന്നത്. ഈ ചിത്രത്തിന്റെ പേരില്‍ വേറിട്ട ഒരു ഓണ്‍ലൈന്‍ ഗെയിം സോഷ്യല്‍ മീഡിയയിലൂടെ അവതരിപ്പിച്ചുകഴിഞ്ഞു. ‘ടാപ്പ് റ്റു ഇന്‍വെസ്റ്റിഗേറ്റ്’ എന്ന ഗെയിം ആണ് സിനിമയുടെ പ്രചണാര്‍ത്ഥം ഒരുക്കിയിരിക്കുന്നത്.
View this post on Instagram
ഇടുക്കിയിലെ ഒരു റിസോര്‍ട്ട് പ്രധാന ലോക്കേഷനായി ഒരുക്കിയ ഈ ചിത്രത്തിലെ ഏതാനും രംഗങ്ങള്‍ എറണാകുളത്തും ചിത്രീകരിച്ചിരിക്കുന്നു. മോഹന്‍ലാലിന് പുറമെ വമ്പന്‍ താരനിരയുമായി എത്തുന്ന ഈ മിസ്റ്ററി ത്രില്ലര്‍ ചിത്രത്തില്‍ ഉണ്ണി മുകുന്ദന്‍, സൈജു കുറുപ്പ്, ശിവദ, അനുശ്രീ, രാഹുല്‍ മാധവ്, അനു സിത്താര, ലിയോണ ലിഷോയ്, അദിതി രവി, പ്രിയങ്ക നായര്‍, അനു മോഹന്‍, ചന്തുനാഥ്, നന്ദു തുടങ്ങിയവരും വേഷമിടുന്നു. കെ.ആര്‍. കൃഷ്ണകുമാറാണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്. സതീഷ് കുറുപ്പ് ഛായാഗ്രഹണവും വി.എസ്. വിനായകും നിര്‍വ്വഹിച്ചിരിക്കുന്നു. വിനായക് ശശികുമാറിന്റെ വരികള്‍ക്ക് അനില്‍ ജോണ്‍സണാണ് ഈണം നല്‍കിയിരിക്കുന്നത്.
എക്‌സിക്യൂട്ടീവ് പ്രൊഡ്യൂസര്‍: ശാന്തി ആന്റണി, സൗണ്ട് ഡിസൈന്‍: സിനോയ് ജോസഫ്, കലാസംവിധാനം: രാജീവ് കോവിലകം, വസ്ത്രാലങ്കാരം: ലിന്റ ജീത്തു, മേക്ക് അപ്പ്: ജിതേഷ് പൊയ്യ, വി എഫ് എക്‌സ്: ടോണി മാഗ്മിത്, ചീഫ് പ്രൊഡക്ഷന്‍ കണ്‍ട്രോളര്‍: സിദ്ധു പനക്കല്‍, പ്രൊഡക്ഷന്‍ കണ്‍ട്രോളര്‍: സേതു അടൂര്‍, വാര്‍ത്താപ്രചരണം: പി. ശിവപ്രസാദ്. ഡിജിറ്റല്‍ മാര്‍ക്കറ്റിംങ്: അരുണ്‍ പൂക്കാടന്‍.
Recent Comments