ആസിഫ് അലിയെ നായകനാക്കി ജിത്തു ജോസഫ് സംവിധാനം ചെയ്യുന്ന കൂമന്റെ ടീസര്‍ റിലീസായി. ഏറെ ദുരൂത നിറഞ്ഞ സന്ദര്‍ഭങ്ങളിലൂടെയാണ് ടീസര്‍ കടന്നുപോകുന്നത്.
ആസിഫ് അലി ആദ്യമായാണ് ജിത്തു ജോസഫ് ഒരുക്കുന്ന ചിത്രത്തില്‍ നായകനാകുന്നത്. കെ ആര്‍ കൃഷ്ണകുമാറിന്റെതാണ് രചന. ജിത്തു സംവിധാനം നിര്‍വഹിച്ച ട്വല്‍ത്ത് മാന്‍ എഴുതിയതും കൃഷ്ണകുമാറായിരുന്നു. കേരള തമിഴ് നാട് അതിര്‍ത്തിയിലെ മലയോരഗ്രാമത്തിലാണ് ചിത്രത്തിന്റെ കഥ നടക്കുന്നത്. വ്യത്യസ്ത സംസ്‌ക്കാരത്തിലുള്ള ആളുകള്‍ ഒന്നിച്ചു പാര്‍ക്കുന്ന ആ നാട്ടിലെ പോലീസ് സ്റ്റേഷനിലേക്ക് വളരെ കര്‍ക്കശക്കാരനായ ഒരു പോലീസ് ഉദ്യോഗസ്ഥന്‍ സ്ഥലംമാറി എത്തുന്നതും. അയാളുടെ കര്‍ക്കശ്യ സ്വഭാവം ആ പോലീസ് സ്റ്റേഷനുമായി ബന്ധപ്പെട്ട ആളുകളുടെയും നായകന്റെയും ജീവിതത്തെ കീഴ്‌മേല്‍ മറിക്കുന്നു. അതിന് പിന്നാലെയുള്ള നായകന്റെ യാത്രയാണ് ‘കൂമന്‍’ എന്ന സിനിമയുടെ പ്രധാന കഥാതന്തു.
മാജിക്ക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫനും അനന്യ ഫിലിംസിന്റെ ബാനറില്‍ ആല്‍വിന്‍ ആന്റണിയുമാണ് കൂമന്‍ നിര്‍മ്മിച്ചിരിക്കുന്നത്.
രഞ്ജി പണിക്കര്‍, ബാബുരാജ്, മേഘനാഥന്‍, ഹന്നാ രജി കോശി, ആദം അയൂബ്, ബൈജു, ജാഫര്‍ ഇടുക്കി, പൗളി വില്‍സണ്‍, കരാട്ടേ കാര്‍ത്തിക്, ജോര്‍ജ്ജ് മരിയന്‍, രമേശ് തിലക്, പ്രശാന്ത് മുരളി, അഭിരാം രാധാകൃഷ്ണന്‍, രാജേഷ് പറവൂര്‍, ദീപക് പറമ്പോള്‍, ജയിംസ് ഏലിയ, വിനോദ് ബോസ്, പ്രദീപ് പരസ്പരം, റിയാസ് നര്‍മ്മകല എന്നീ വന്‍താരനിരയും ചിത്രത്തിലണിനിരക്കുന്നുണ്ട്.
Recent Comments