ശ്രീം പ്രൊഡക്ഷന്റെ ബാനറില്‍ നവാഗത സംവിധായിക സീമ ശ്രീകുമാര്‍ സംവിധാനം ചെയ്യുന്ന ഒരു കനേഡിയന്‍ ഡയറിയുടെ ടീസര്‍ നടനും സംവിധായകനുമായ രഞ്ജി പണിക്കര്‍ അദ്ദേഹത്തിന്റെ ഔദ്യോഗിക ഫേസ്ബുക്ക് പേജിലൂടെ റിലീസ് ചെയ്തു. മഹാകവി പി. കുഞ്ഞിരാമന്‍ നായരുടെ കൊച്ചുകളായ സീമ ശ്രീകുമാര്‍ തന്നെയാണ് ചിത്രത്തിന്റെ തിരക്കഥയും രചിച്ചിരിക്കുന്നത്.
വേറിട്ട ദൃശ്യ മികവിലൂടെ പ്രണയം കലര്‍ന്ന സെമി സൈക്കോ ത്രില്ലറാണ് ഒരു കനേഡിയന്‍ ഡയറി. 80 ശതമാനത്തിലേറെ കാനഡയില്‍ ചിത്രീകരിച്ച ആദ്യ മലയാള ചിത്രമാണിത്. പുതുമുഖങ്ങളായ പോള്‍ പൗലോസ്, സിംറാന്‍, പൂജ സെബാസ്റ്റ്യന്‍ എന്നിവരാണ് പ്രധാന വേഷത്തിലെത്തുന്നത്. എം.വി ശ്രീകുമാറാണ് ചിത്രത്തിന്റെ ഛായാഗ്രഹണവും നിര്‍മ്മാണവും നിര്‍വ്വഹിച്ചിരിക്കുന്നത്. കെ.എ ലത്തീഫ് സംഗീതവും ഗാനരചന ശിവകുമാര്‍ വാരിക്കരയും ശ്രീതിയും നിര്‍വ്വഹിക്കുന്നു.
പുതുമുഖ അഭിനേതാക്കള്‍ക്കും ഗായകര്‍ക്കുമൊപ്പം മലയാളത്തിലെ ഹാസ്യതാരങ്ങളും പിന്നണി ഗായകന്മാരായ ഉണ്ണിമേനോന്‍, മധു ബാലകൃഷ്ണന്‍, വെങ്കി അയ്യര്‍, കിരണ്‍ കൃഷ്ണന്‍, രാഹുല്‍ കൃഷ്ണന്‍, മീരാ കൃഷ്ണന്‍ എന്നിവരും ചിത്രത്തിന്റെ ഭാഗമാകുന്നുണ്ട്. എക്സിക്യൂട്ടിവ് പ്രൊഡ്യൂസര്‍-കൃഷണകുമാര്‍ പുറവന്‍കര, ചീഫ് അസോസിയേറ്റ് ഡയറക്ടര്‍- ജിത്തു ശിവന്‍. എഡിറ്റിങ്ങ് – വിപിന്‍ രവി, പ്രൊഡക്ഷന്‍ കണ്‍ട്രോളര്‍- സുജയ് കുമാര്‍.ജെ.എസ്സ്.
Recent Comments