മോഹന്‍ലാല്‍, പൃഥ്വിരാജ് കൂട്ടുകെട്ടില്‍ ഒരുങ്ങിയ ബ്ലോക്ക് ബസ്റ്റര്‍ ചിത്രമായിരുന്നു ലൂസിഫര്‍. കോവിഡ് വ്യാപനം കുറഞ്ഞ സാഹചര്യത്തില്‍ ഇപ്പോള്‍ ചിത്രത്തിന്റെ തെലുങ്ക് റീമേക്ക് ഹൈദരാബാദില്‍ ചിത്രീകരണം തുടങ്ങിയിരിക്കുകയാണ്. നായകനായ ചിരഞ്ജീവി പങ്കെടുക്കുന്ന ആക്ഷന്‍ രംഗങ്ങളുടെ ചിത്രീകരണത്തിനാണ് തുടക്കമായത്. സില്‍വയാണ് സംഘട്ടന സംവിധായകന്‍. ആക്ഷന്‍ രംഗങ്ങള്‍ പൂര്‍ത്തീകരിച്ച ശേഷമേ തുടര്‍സീനുകള്‍ ചിത്രീകരിക്കുകയുള്ളൂ. ലൂസിഫറിന്റെയും സംഘട്ടന രംഗങ്ങള്‍ ഒരുക്കിയിരുന്നത് സില്‍വയായിരുന്നു. ചിരഞ്ജീവിയുടെ 153-ാം ചിത്രമായ ലൂസിഫര്‍ ജയം മോഹന്‍രാജയാണ് സംവിധാനം ചെയ്യുന്നത്. ലൊക്കേഷന്‍ ചിത്രങ്ങള്‍ സംവിധാനകന്‍ തന്റെ ട്വിറ്ററിലൂടെ പങ്കുവെച്ചിരുന്നു.
‘പ്രിയപ്പെട്ടവരുടെയും മാതാപിതാക്കളുടെയും അനുഗ്രഹത്തോടെ, ഈ വലിയ യാത്ര ആരംഭിക്കുന്നു’ എന്ന് മോഹന്‍ രാജാ കുറിച്ചു.
നീരവ്ഷായാണ് ഛായാഗ്രഹണം നിര്‍വഹിക്കുന്നുത്. എന്‍. തമന്‍ സംഗീതം ഒരുക്കുന്നു. കൊരട്ടാല ശിവ സംവിധാനം ചെയ്യുന്ന ‘ആചാര്യ’യാണ് ഉടന്‍ പുറത്തിറങ്ങാന്‍ പോവുന്ന ചിരഞ്ജീവിചിത്രം. 2019 ല്‍ പുറത്തിറങ്ങിയ ‘സൈറാ നരസിംഹ റെഡ്ഡി’ ആണ് ഒടുവില്‍ പ്രദര്‍ശനത്തിനിറങ്ങിയ ചിരഞ്ജീവി ചിത്രം.
Recent Comments