ഷൂട്ടിംഗിനായി വാടയക്കെടുത്ത വീട്ടില്‍ ഒമ്പത് വയസ്സുകാരിയായ ബാലതാരത്തെ പീഡിപ്പിച്ച കേസില്‍ സിനിമ-സീരിയല്‍ നടന് 136 വര്‍ഷം കഠിനതടവും 1,97,500 രൂപ പിഴയും ശിക്ഷ വിധിച്ചു. കങ്ങഴ കടയനിക്കാട് കോണേക്കടവ് മടുക്കക്കുഴി എം.കെ. റെജിയെയാണ് ഈരാറ്റുപേട്ട ഫാസ്റ്റ് ട്രാക്ക് സ്‌പെഷ്യല്‍ കോടതി (പോസ്‌കോ) ജഡ്ജി റോഷന്‍ തോമസ് ശിക്ഷിച്ചത്. പിഴത്തുകയില്‍ 1,75,000 രൂപ അതിജീവിതയ്ക്ക് നല്‍കണമെന്നും ഉത്തരവുണ്ട്.
2023 മേയ് 31 നാണ് ബാലതാരം പീഡിപ്പിക്കപ്പെട്ടത്. മേലുകാവ് എസ്.എച്ച്.ഒ ആയിരുന്ന രഞ്ജിത് കെ. വിശ്വനാഥന്‍ അന്വേഷിച്ച കേസില്‍ തിടനാട് എസ്.എച്ച്.ഒ ആയിരുന്ന കെ.കെ. പ്രശോഭാണ് കുറ്റപത്രം തയ്യാറാക്കിയത്. പ്രോസിക്യൂഷനുവേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ ജോസ് മാത്യു തയ്യില്‍ ഹാജരായി.
Recent Comments