പ്രഭാസ് ആരാധകര്‍ ഏറെ കൗതുകത്തോടെ കാത്തിരിക്കുന്ന ചിത്രമാണ് കര്‍ക്കി 2898 എഡി. ചിത്രത്തില്‍ പ്രഭാസ് അവതരിപ്പിക്കുന്ന ഭൈരവയുടെ ഉറ്റ ചങ്ങാതിയാണ് ബുജ്ജി. ഇപ്പോഴിതാ ബുജ്ജിയെ പ്രേക്ഷകര്‍ക്ക് പരിചയപ്പെടുത്തിയിരിക്കുകയാണ് അണിയറപ്രവര്‍ത്തകര്‍. ഭൈരവയ്ക്കുമേല്‍ വരുന്ന പ്രതിബന്ധങ്ങളില്‍നിന്ന് അതിവേഗത്തില്‍ രക്ഷിച്ചുകൊണ്ട് പോകുന്ന സൂപ്പര്‍ കാറിന്റെ ദൃശ്യങ്ങളാണ് പുറത്തെത്തിയ വീഡിയോയിലുള്ളത്. കീര്‍ത്തി സുരേഷാണ് ഈ സ്‌പെഷ്യല്‍ കാറിനുവേണ്ടി ശബ്ദം നല്‍കിയിരിക്കുന്നത്. ജൂണ്‍ 27 നാണ് ചിത്രം തിയേറ്ററുകളിലെത്തുന്നത്.
പ്രഭാസിനെ കൂടാതെ അമിതാഭ് ബച്ചന്‍, കമല്‍ ഹാസന്‍, ദീപി പദുകോണ്‍ തുടങ്ങിയ ഇന്ത്യന്‍ അതികായര്‍ അണഇനിരക്കുന്ന ചിത്രത്തിന്റെ സംവിധായകന്‍ നാഗ് അശ്വിനാണ്. ജൂനിയര്‍ എന്‍ടിആര്‍, വിജയ് ദേവരക്കൊണ്ട, ദുല്‍ഖര്‍ സല്‍മാന്‍ തുടങ്ങിയവരും പ്രധാന വേഷങ്ങളിലെത്തുന്ന ഈ സയന്‍സ് ഫിക്ഷന്‍ ഫാന്റസി ചിത്രം വൈജയന്തി മൂവീസിന്റെ ബാനറില്‍ സി അശ്വനി ദത്താണ് നിര്‍മ്മിക്കുന്നത്.
പുരാണങ്ങളില്‍നിന്ന് പ്രചോദനം ഉള്‍ക്കൊണ്ട് ഭാവിയെ തുറന്നുകാണിക്കുന്ന ഒരു സന്‍സ് ഫിക്ഷനാണ് കല്‍ക്കി 2898 എഡി എന്നാണ് റിപ്പോര്‍ട്ട്. സന്തോഷ് നാരായണനാണ് കല്‍ക്കി 2898 എഡിയുടെ പാട്ടുകള്‍ ഒരുക്കുന്നത്.
Recent Comments