ജോയ് കെ. മാത്യു രചനയും സംവിധാനം നിര്‍വ്വഹിക്കുന്ന ‘ഗോസ്റ്റ് പാരഡെയ്‌സി’ന്റെ ചിത്രീകരണം ഓസ്ട്രേലിയയിലും കേരളത്തിലുമായി പൂര്‍ത്തിയായി. കേരളത്തില്‍ എറണാകുളം, വരാപ്പുഴ, കൂനംമാവ്, കണ്ണമാലി എന്നിവിടങ്ങളിലായിരുന്നു ചിത്രീകരണം. ക്വീന്‍സ്ലാന്‍ഡിലെ ഗോള്‍ഡ് കോസ്റ്റ്, സൗത്ത്, നോര്‍ത്ത് ബ്രിസ്ബന്‍ പരിസരങ്ങളിലുമായിരുന്നു ഓസ്‌ട്രേലിയയിലെ ചിത്രീകരണം.
ഓസ്ട്രേലിയന് ചലച്ചിത്ര- ടെലിവിഷന്‍ മേഖലയില്‍ പ്രവര്‍ത്തിക്കുന്നവരേയും മലയാള ചലച്ചിത്ര താരങ്ങളെയും ഉള്‍പ്പെടുത്തി നിര്‍മ്മിക്കുന്ന ചിത്രമാണ് ‘ഗോസ്റ്റ് പാരഡെയ്സ്. ഓസ്ട്രേലിയന് മലയാളം ഫിലിം ഇന്‍ഡസ്ട്രിയുടെ ബാനറിലാണ് ഗോസ്റ്റ് പാരഡെയ്സ് പുറത്തിറക്കുന്നത്. ഓസ്ട്രേലിയയിലും കേരളത്തിലും ചലച്ചിത്രങ്ങളും ടെലിവിഷന്‍ പരിപാടികളും നിര്‍മ്മിക്കാനും പ്രദര്‍ശിപ്പിക്കാനും ചലച്ചിത്ര മേളകളും ചലച്ചിത്ര കലാ പരിശീലനവും സംഘടിപ്പിക്കാനും ദൃശ്യപരിപാടികള്‍ പ്രക്ഷേപണം ചെയ്യാനും ലക്ഷ്യമിട്ട് നടനും എഴുത്തുകാരനും സംവിധായകനും നിര്‍മ്മാതാവുമായ ജോയ് കെ. മാത്യു ആരംഭിച്ച ചലച്ചിത്ര നിര്‍മ്മാണ വിതരണ കമ്പനിയാണ് ഓസ്ട്രേലിയന് മലയാളം ഫിലിം ഇന്‍ഡസ്ട്രി.
ജോയ് കെ. മാത്യു, കൈലാഷ്, ശിവജി ഗുരുവായൂര്‍, സോഹന്‍ സീനുലാല്‍, സാജു കൊടിയന്‍, ലീലാ കൃഷ്ണന്‍, അംബിക മോഹന്‍, പൗളി വത്സന്‍, മോളി കണ്ണമാലി, കുളപ്പുള്ളി ലീല, ടാസോ, അലന എന്നിവരാണ് ചിത്രത്തിലെ പ്രാധാന കഥാപാത്രങ്ങളെ അവതരിപ്പിക്കുന്നത്. ഇവരെ കൂടാതെ ഓസ്ട്രേലിയയില് മലയാളി കലാകാരന്മാരായ ജോബിഷ്, മാര്‍ഷല്‍, സാജു ഷാജി, മേരി, ഇന്ദു, രമ്യാ, ഷാമോന്‍, ആഷ, ജയലക്ഷ്മി, ജോബി, സൂര്യ, പൗലോസ്, ടെസ്സ, ശ്രീലക്ഷ്മി, ഷീജ, തോമസ്, ജോസ്, ഷിബു, ജിബി, സജിനി, റെജി, എന്നിവരും മറ്റു കഥാപത്രങ്ങളെ അവതരിപ്പിക്കുന്നു.
രസകരവും വ്യത്യസ്തവും ഹൃദയ സ്പര്‍ശിയുമായ ജീവിതാനുഭവങ്ങളും കാഴ്ചകളുമാണ് ഗോസ്റ്റ് പാരഡെയ്സ് പ്രേക്ഷകര്‍ക്ക് സമ്മാനിക്കുന്നത്.
ഛായാഗ്രഹണം- ആദം കെ. അന്തോണി, സാലി മൊയ്ദീന്‍, ചമയം- എലിസബത്ത്, ജന്നിഫര്‍, മഹേഷ് ചേര്‍ത്തല, വസ്ത്രാലങ്കാരം- മൈക്കിള്‍ മാത്സണ്‍, ഷാജി കൂനംമാവ്, സംഗീതം- ഡോ. രേഖാ റാണി, സഞ്ജു സുകുമാരന്‍, കലാസംവിധാനം- ഗീത് കാര്‍ത്തിക, ബാലാജി, സ്റ്റില്‍സ്- ഷാബു പോള്‍, സംഘട്ടനം- സലിം ബാവ, എഡിറ്റിങ്- ലിന്‍സണ്‍ റാഫേല്‍, സൗണ്ട് ഡിസൈനര്‍- ടി. ലാസര്‍, എക്‌സിക്യൂട്ടീവ് പ്രൊഡ്യൂസര്‍- കെ.ജെ. മാത്യു കണിയാംപറമ്പില്‍, ഫൈനാന്‍സ് കണ്ട്രോളര്‍- ജിജോ ജോസ്, പ്രൊഡക്ഷന്‍ കണ്ട്രോളര്‍- ക്ലെയര്‍, ജോസ് വരാപ്പുഴ, പ്രൊഡക്ഷന്‍ എക്‌സിക്യൂട്ടീവ്- രാധാകൃഷ്ണന്‍ ചേലേരി, യൂണിറ്റ്- മദര്‍ലാന്റ് കൊച്ചി, മദര്‍ വിഷന്‍, കാമറ- ലെന്‍സ് മാര്‍ക്ക് 4 മീഡിയ എറണാകുളം, മദര്‍ വിഷന്‍, പോസ്റ്റര്‍ ഡിസൈന്‍- ഷിബിന്‍ സി. ബാബു, പ്രൊഡക്ഷന്‍ മാനേജര്‍- ഡേവിസ് വര്‍ഗ്ഗീസ്, അനിമേഷന്‍- നിതിന്‍ നന്ദകുമാര്‍, പി.ആര്‍.ഒ- പി. ആര്‍. സുമേരന്‍. നവംബറില്‍ ഓസ്ട്രേലിയയില് പ്രത്യേകം സംഘടിപ്പിക്കുന്ന ചടങ്ങില്‍ ഗോസ്റ്റ് പാരഡൈസ് ടൈറ്റില്‍ സോങ് റീലീസ് ചെയ്യും.
Recent Comments