നവാഗതനായ എന്‍.വി. മനോജ് സംവിധാനം ചെയ്ത് എംജെഎന്‍ പ്രൊഡക്ഷന്‍സിന്റെ ബാനറില്‍ മാര്‍ട്ടിന്‍ ജോസഫ് നിര്‍മ്മിക്കുന്ന ഓശാന എന്ന ചിത്രത്തിന്റെ ഫസ്റ്റ്ലുക്ക് മോഷന്‍ പോസ്റ്റര്‍ പുറത്തെത്തി. ഗാനങ്ങള്‍ക്ക് ഏറെ പ്രാധാന്യമുള്ള ഓശാനയുടെ സംഗീതം നിര്‍വ്വഹിക്കുന്നത് മെജോ ജോസഫാണ്. ജിതിന്‍ ജോസിന്റേതാണ് തിരക്കഥ.
ഒരു വ്യക്തിയുടെ ജീവിതത്തില്‍ പല കാലഘട്ടങ്ങളിലൂടെ സഞ്ചരിക്കുന്ന സംഗീതസാന്ദ്രമായ ഒരു പ്രണയകഥയാണ് ‘ഓശാന’യെന്ന് അണിയറക്കാര്‍ പറയുന്നു. നവാഗതനായ ബാലാജി ജയരാജനാണ് ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത്. ധ്യാന്‍ ശ്രീനിവാസന്‍, അല്‍ത്താഫ് സലിം, വര്‍ഷ വിശ്വനാഥ്, ഗൗരി ഗോപന്‍, ബോബന്‍ സാമുവല്‍, സ്മിനു സിജോ, സാബുമോന്‍ അബ്ദുസമദ്, നിഴല്‍കള്‍ രവി, ഷാജി മാവേലിക്കര, സബിത, ചിത്ര നായര്‍, കൃഷ്ണ സജിത്ത് എന്നിവരും പ്രധാനവേഷങ്ങള്‍ കൈകാര്യം ചെയ്യുന്നു.
ഛായാഗ്രഹണം മെല്‍ബിന്‍ കുരിശിങ്കല്‍, എഡിറ്റിംഗ് സന്ദീപ് നന്ദകുമാര്‍, കലാസംവിധാനം ബനിത്ത് ബത്തേരി, പ്രോജക്ട് ഡിസൈനര്‍ അനുക്കുട്ടന്‍, കളറിസ്റ്റ് അലക്‌സ് വി വര്‍ഗീസ്, പ്രൊഡക്ഷന്‍ കണ്‍ട്രോളര്‍ കമലാക്ഷന്‍ പയ്യന്നൂര്‍, മേക്കപ്പ് ജിത്തു പയ്യന്നൂര്‍, വസ്ത്രാലങ്കാരം ദിവ്യ ജോബി, പബ്ലിസിറ്റി ഡിസൈന്‍സ് ഷിബിന്‍ സി ബാബു, ഡോ. സംഗീത ജനചന്ദ്രനാണ് ‘ഓശാന’യുടെ മാര്‍ക്കറ്റിംഗ് ആന്‍ഡ് കമ്മ്യൂണിക്കേഷന്‍ നിര്‍വ്വഹിക്കുന്നത്.
Recent Comments