അപ്പാനി ശരത്, ശ്വേതാ മേനോന്‍, ശബരീഷ് വര്‍മ എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണ് ജങ്കാര്‍. ഇപ്പോള്‍ ചിത്രത്തിന്റെ ഫസ്റ്റ് ലൂക്ക് പോസ്റ്റര്‍ പുറത്തിറങ്ങിയിട്ടുണ്ട്. മനോജ് ടി യാദവാണ് ചിത്രം എഴുതി സംവിധാനം ചെയ്തത്.
സഹോദരങ്ങള്‍ തമ്മിലുള്ള ബന്ധത്തിന്റെ കഥ ഒരു ഇമോഷണല്‍ ത്രില്ലറിന്റെ സ്വഭാവ സവിശേഷതകളുമായി കോര്‍ത്തിണക്കി കൊണ്ട് അവതരിപ്പിക്കുന്നു എന്നതാണ് ചിത്രത്തിന്റെ പ്രത്യേകത. തൊടുപുഴയായിരുന്നു പ്രധാന ലൊക്കേഷന്‍.
സുധീര്‍ കരമന, അജ്മല്‍ സെയിന്‍, ബൈജു പി കലാവേദി, ഷീല ശ്രീധരന്‍, രേണു സൗന്ദര്‍ തുടങ്ങിയവരും ചിത്രത്തില്‍ പ്രധാന കഥാപാത്രങ്ങളായി എത്തുന്നു. എം സി മൂവീസിന്റെ ബാനറില്‍ ബാബുരാജ് എം സിയാണ് ചിത്രം നിര്‍മ്മിക്കുന്നത്. ബിജിബാലാണ് ചിത്രത്തിന് സംഗീതം ഒരുക്കിയിരിക്കുന്നത്.
Recent Comments