ദളപതിയുടെ ജന്മദിനത്തിന് കൃത്യം ഒരാഴ്ച ബാക്കിനില്‍ക്കെ, ലിയോയുടെ സംവിധായകന്‍ ലോകേഷ് കനകരാജ് നിഗൂഢമായ ഒരു ട്വീറ്റ് പോസ്റ്റ് ചെയ്തു. ‘റെഡി ആഹ്?’ എന്നാണ് അദ്ദേഹം ട്വിറ്ററില്‍ കുറിച്ചത്.
കൃത്യം ഒരു മണിക്കൂറിനു ശേഷം റെഡിയാണ് എന്ന മറുപടിയോടു കൂടി വിജയ് ആ വാര്‍ത്ത സോഷ്യല്‍ മീഡിയയില്‍ പങ്കുവച്ചു. വിജയുടെ പിറന്നാള്‍ ദിനത്തില്‍ ലിയോയുടെ ആദ്യ ഗാനം റിലീസാകുമെന്ന സൂചനയാണ് ഈ ട്വിറ്റര്‍ സന്ദേശം നല്‍കുന്നത്. ജൂണ്‍ 22 നാണ് വിജയ്‌യുടെ പിറന്നാള്‍.
First Single #NaaReady on @actorvijay Anna’s Birthday #Leo 🔥🧊 pic.twitter.com/xG5T46GWyR
— Lokesh Kanagaraj (@Dir_Lokesh) June 16, 2023
1000-ലധികം നര്‍ത്തകര്‍ക്കൊപ്പം അടുത്തിടെ ചിത്രീകരിച്ച ഗാനം ആലപിച്ചിരിക്കുന്നത് വിജയ് ആണെന്നാണ് റിപ്പോര്‍ട്ട്. ആ പാട്ട് തന്നെ പിറന്നാള്‍ ദിനത്തില്‍ റിലീസ് ചെയ്യുമെന്നാണ് പ്രതീക്ഷ. വിജയ്, തൃഷ, സഞ്ജയ് ദത്ത്, അര്‍ജുന്‍ സര്‍ജ, ഗൗതം മേനോന്‍, മിഷ്‌കിന്‍, മാത്യു തോമസ്, മന്‍സൂര്‍ അലി ഖാന്‍, പ്രിയ ആനന്ദ്, സാന്‍ഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി നിരവധി താരങ്ങളാണ് ചിത്രത്തില്‍ അണിനിരക്കുന്നത്.
സെവന്‍ സ്‌ക്രീന്‍ സ്റ്റുഡിയോ, ദി റൂട്ട് എന്നിവയുടെ ബാനറുകളില്‍ ലളിത് കുമാറും ജഗദീഷ് പളനിസാമിയും ചേര്‍ന്നാണ് ചിത്രം നിര്‍മ്മിക്കുന്നത്. വാരിസിനും മാസ്റ്ററിനും ശേഷം സെവന്‍ സ്‌ക്രീന്‍ സ്റ്റുഡിയോസ് നിര്‍മ്മിക്കുന്ന ചിത്രം കൂടിയാണിത്.
ചിത്രത്തിന് ഛായാഗ്രഹണം ഒരുക്കുന്നത് മനോജ് പരമഹംസയാണ്. അന്‍പറിവാണ് ആക്ഷന്‍. ഒക്ടോബര്‍ 19 ന് ലോകമെമ്പാടും ലിയോ തിയേറ്ററുകളില്‍ എത്തും. പിആര്‍ഒ പ്രതീഷ് ശേഖര്‍.
Recent Comments