സെന്തില്‍, അനുമോള്‍, മാസ്റ്റര്‍ അന്‍വിന്‍ ശ്രീനു എന്നിവരെ പ്രധാന കഥാപാത്രങ്ങളാക്കി നവാഗതനായ ഫ്രാന്‍സിസ് ജോസഫ് ജീര കഥയെഴുതി സംവിധാനം ചെയ്യുന്ന ചിത്രമാണ് ‘ത തവളയുടെ ത’. ചിത്രത്തിലെ ആദ്യ വീഡിയോ ഗാനം ഇന്നലെ റിലീസായി. സൈന മ്യൂസിക്കാണ് ഗാനം പുറത്തിറക്കിയിരിക്കുന്നത്.
‘മിഴിയിലാരാണ്…’ എന്ന് തുടങ്ങുന്ന ഗാനം എഴുതിയിരിക്കുന്നത് ബീയാര്‍ പ്രസാദാണ്. നിഖില്‍ രാജന്‍ മേലേയിലാണ് സംഗീത സംവിധായകന്‍. മഞ്ജരിയും കപില്‍ കപിലനും ചേര്‍ന്നാണ് ഈ ഗാനം ആലപിച്ചിരിക്കുന്നത്.
14/11 സിനിമാസ്, ബിഗ് സ്റ്റോറീസ് മോഷന്‍ പിക്‌ചേഴ്സ് എന്നിവയുടെ ബാനറില്‍ റോഷിത്ത് ലാല്‍, ജോണ്‍ പോള്‍ എന്നിവര്‍ ചേര്‍ന്നാണ് ചിത്രം നിമ്മിച്ചിരിക്കുന്നത്. ആനന്ദ് റോഷന്‍, ഗൗതമി നായര്‍, നെഹല, അജിത് കോശി, സുനില്‍ സുഖദ, അനീഷ് ഗോപാല്‍, നന്ദന്‍ ഉണ്ണി, ജെന്‍സണ്‍ ആലപ്പാട്ട്, ഹരികൃഷ്ണന്‍, സ്മിത അബു, വസുദേവ് പട്രോട്ടം തുടങ്ങിയവരും ചിത്രത്തില്‍ അഭിനയിക്കുന്നു.
മൂന്നാം ക്ലാസ്സില്‍ പഠിക്കുന്ന ബാലു എന്ന കുട്ടിയുടെ ജീവിതത്തിലൂടെയും സ്വപ്ന ലോകങ്ങളിലൂടെയും സഞ്ചരിക്കുന്ന ചിത്രത്തില്‍ ബാലുവായി മാസ്റ്റര്‍ അന്‍വിന്‍ ശ്രീനു അഭിനയിക്കുന്നു. അറുപതോളം ബാലതാരങ്ങളും ഈ ചിത്രത്തിന്റെ ഭാഗമാകുന്നു.
Recent Comments