കിങ് ഖാന് ഫ്രെഞ്ച് മ്യൂസിയത്തിന്റെ ആദരം. ബോളിവുഡ് താരം ഷാരൂഖ് ഖാന്റെ ചിത്രം പതിച്ച സ്വര്‍ണ്ണനാണയം പുറത്തിറക്കി ഫ്രഞ്ച് മ്യൂസിയം. പാരീസിലെ ഗ്രെവിന്‍ മ്യൂസിയമാണ് ഷാരൂഖ് ഖാന്റെ പേരിലുള്ള സ്വര്‍ണ്ണനാണയമിറക്കിയത്. പാരീസിലെ സെയിന്‍ നദിയുടെ വലതുകരയില്‍ ഗ്രാന്‍ഡ്‌സ് ബൗള്‍വാര്‍ഡുകളില്‍ സ്ഥിതി ചെയ്യുന്ന ഒരു മെഴുക് മ്യൂസിയമാണിത്. ഈ മ്യൂസിയത്തില്‍ സ്വന്തം പേരിലുള്ള നാണയമിറങ്ങുന്ന ആദ്യത്തെ ഇന്ത്യന്‍ നടനാണ് ഷാരൂഖ് ഖാന്. ലോകത്തിലെ പ്രധാന വാക്‌സ് മ്യൂസിയങ്ങളിലൊക്കെ ഷാരൂഖ് ഖാന്റെ മെഴുക് പ്രതിമ സ്ഥാപിച്ചിട്ടുണ്ട്.
സുജോയ് ഘോഷ് സംവിധാനം ചെയ്യുന്ന കിങ് ആണ് ഷാരൂഖിന്റേതായി അണിയറയില്‍ ഒരുങ്ങുന്ന ചിത്രം. പത്താന്‍, ജവാന്‍, ഡങ്കി എന്നീ സൂപ്പര്‍ ഹിറ്റ് സിനിമകള്‍ക്കുശേഷം ആരാധകര്‍ ഏറെ പ്രതീക്ഷയോടെയാണ് കാത്തിരിക്കുന്ന ചിത്രമാണ് കിങ്.
Recent Comments