നന്ദമുരി ബാലകൃഷ്ണ കേന്ദ്രകഥാപാത്രത്തില്‍ ബിഗ് ബജറ്റ് പ്രോജക്ട് ‘NBK108’ ന്റെ ലോഞ്ച് നടന്നു. സംവിധായകന്‍ അനില്‍ രവിപുടി ഒരുക്കുന്ന ഈ ചിത്രത്തിന്റെ ലോഞ്ച് ഇന്ന് രാവിലെ ഹൈദരാബാദില്‍ പൂജാ ചടങ്ങുകളോടെ ആരംഭിച്ചു.
ചിത്രത്തിനായി ഹൈദരാബാദില്‍ ഒരു വലിയ ജയില്‍ സെറ്റ് നിര്‍മ്മിച്ചിട്ടുണ്ട്. ഈ സെറ്റില്‍ ആയിരിക്കും ചിത്രത്തിന്റെ ആദ്യ ഷെഡ്യൂള്‍ പൂര്‍ത്തിയാക്കുക. ചിത്രത്തില്‍ ബാലകൃഷ്ണ ഒരു പ്രത്യേക ഗെറ്റപ്പിലുള്ള കഥാപാത്രത്തെയാണ് അവതരിപ്പിക്കുന്നത്. കഥാപാത്രത്തെപ്പറ്റിയുള്ള കൂടുതല്‍ വിവരങ്ങള്‍ അണിയറപ്രവര്‍ത്തകര്‍ പുറത്തുവിട്ടിട്ടില്ല.
ചിത്രത്തില്‍ ബാലകൃഷ്ണയുടെ മകളായി ശ്രീലീലയും നായികയായി പ്രിയങ്ക ജവാല്‍ക്കറും എത്തുമെന്നാണ് സൂചന. തമന്‍ സംഗീതവും അഖണ്ഡ ഫെയിം രാം പ്രസാദ് ഛായാഗ്രഹണവും നിര്‍വഹിക്കുന്നു. ഷൈന്‍ സ്‌ക്രീന്‍സാണ് ഈ ബിഗ് ബജറ്റ് ചിത്രം നിര്‍മ്മിക്കുന്നുത്. അടുത്ത വര്‍ഷം ചിത്രം റിലീസ് ചെയ്യും.
ആക്ഷനും ഇമോഷനും പ്രാധാന്യം നല്‍കുന്ന ചിത്രമാണ് ഒരുക്കുന്നത്. തമ്മി രാജു എഡിറ്റിംഗും രാജീവന്‍ പ്രൊഡക്ഷന്‍ ഡിസൈനറും വി വെങ്കട്ട് ആക്ഷന്‍ കൊറിയോഗ്രാഫറുമാണ്. പിആര്‍ഒ: ശബരി.
Recent Comments