മലബാറില്‍ നിന്നുള്ള ചിന്താവഹമായ കഥകളുമായി അന്തോളജി മൂവി ദി മലബാര്‍ ടെയില്‍സ് എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. രചനയും സംവിധാനവും അനില്‍ കുഞ്ഞപ്പന്‍ നിര്‍വഹിക്കുന്നു. ചോക്ക്‌ബോര്‍ഡ് ഫിലിംസിന്റെ ബാനറില്‍ അനില്‍ കുഞ്ഞപ്പന്‍ നിര്‍മ്മിക്കുന്ന ചിത്രമാണിത്.
പ്രശസ്തരായ 10 സംവിധായകരുടെ സോഷ്യല്‍ മീഡിയ പേജ് മുഖേനയാണ് പോസ്റ്റര്‍ പുറത്തിറങ്ങിയത്. എക്‌സിക്യൂട്ടീവ് പ്രൊഡ്യൂസര്‍ & പ്രൊഡക്ഷന്‍ കണ്‍ട്രോളര്‍ ഡോക്ടര്‍ പ്രീത അനില്‍. എഡിറ്റിംഗ് & അസോസിയറ്റ് ഡയറക്ടര്‍ അനുപ്രിയ എ കെ. ഒരു കുടുംബത്തിലെ നാലുപേര്‍ സംയുക്തമായി ഒരു സിനിമയ്ക്ക് പിന്നില്‍ അണിചേര്‍ന്നിരിക്കുകയാണ്. അച്ഛന്‍, അമ്മ, മകന്‍, മകള്‍ ഇവരുടെ കൂട്ടായ്മയാണ് ഈ സിനിമ.
പ്രശസ്ത സംവിധായകരായ ഷാജുണ്‍ കര്യാല്‍, എം പത്മകുമാര്‍, ജോമോന്‍ എന്നിവരുടെ സംവിധാന സഹായിയായി പല ചിത്രങ്ങളില്‍ ജോലി ചെയ്ത സംവിധായകനാണ് അനില്‍ കുഞ്ഞപ്പന്‍. വ്യത്യസ്തമായ ഗൃഹാന്തരീക്ഷത്തിലെ 5 സാധാരണ കുടുംബങ്ങളിലെ ഹൃദയസ്പര്‍ശിയായ കഥയാണ് ചിത്രത്തിലൂടെ പറയുന്നത്.കേരളത്തിന്റെ സമൃദ്ധമായ സാംസ്‌കാരിക വൈവിധ്യവും സാമൂഹ്യ പ്രശ്‌നങ്ങളും ആഴത്തില്‍ അവതരിപ്പിക്കുന്ന ചിത്രമാണിത്.
ശിവരാജ് (എആര്‍എം, ഓസ്ലര്‍ ഫെയിം), അനില്‍ അന്റോ (കുരുക്ക് ഫെയിം), പ്രദീപ് ബാലന്‍, ദേവേന്ദ്രനാഥ്, ശങ്കരനാരായണന്‍, അന്‍വര്‍ സാദിഖ്, വിജയന്‍ വി നായര്‍, പ്രണവ് മോഹന്‍, പ്രസീത വസു, ലത സതീഷ്, നവ്യ ബൈജു, സുമന, അനുപ്രിയ എകെ, ആര്‍ദ്ര ദേവി തുടങ്ങിയവരാണ് ചിത്രത്തില്‍ അണിനിരക്കുന്നത്.
ഡിഒപി അഷ്‌റഫ് പാലാഴി, ഗോകുല്‍ വിജി, അപ്പു, രാകേഷ് ചെല്ലയ്യ, ഷിമില്‍ ആരോ, ഗാനരചന സുമന, നൗഷാദ് ഇബ്രാഹിം, അനുപ്രിയ എകെ., സംഗീതം ഫിഡല്‍ അശോക്, അമല്‍ ഇര്‍ഫാന്‍, കോസ്റ്റ്യൂമര്‍ അനില്‍കുമാര്‍, മേക്കപ്പ് റഷീദ് അഹമ്മദ്, ആര്‍ട്ട് ശിവന്‍ കല്ലിഗൊട്ട, അഖില്‍ കക്കോടി. മിക്‌സിങ് എന്‍ജിനീയര്‍ ജൂബിന്‍ എസ് രാജ്, കളര്‍ ഗ്രേഡിങ് ആന്‍ഡ് ഡി ഐ ആര്‍ട്ടിസ്റ്റ് പ്രഹ്ലാദ് പുത്തഞ്ചേരി, പിആര്‍ഒ എംകെ ഷെജിന്‍.
Recent Comments