ധാരാളം കൗതുകങ്ങളുമായി ഒരുങ്ങുന്ന ചിത്രമാണ് ഡിറ്റക്ടീവ് ഉജ്ജ്വലന്‍. ടൈറ്റില്‍ തന്നെ കൗതുകമുണര്‍ത്തുന്നതാണ്. മലയാളത്തിലെ പ്രശസ്ത നിര്‍മ്മാണ സ്ഥാപനമായ വീക്കെന്റെ ബ്ലോഗ് ബസ്റ്റാഴ്‌സിന്റെ ബാനറില്‍ സോഫിയാ പോള്‍ നിര്‍മ്മിക്കുന്ന ഈ ചിത്രം രാഹുല്‍ ജി., ഇന്ദ്രനീല്‍ ഗോപി കൃഷ്ണന്‍ എന്നിവര്‍ ചേര്‍ന്നാണ് സംവിധാനം ചെയ്യുന്നത്. ഇരട്ട സംവിധായകര്‍ എന്ന് ഇവരെ വിളിക്കാം. വിദ്യാഭ്യാസം മുതല്‍ ഒന്നിച്ചു പ്രവര്‍ത്തിച്ചു പോന്നവരാണ് രാഹുലും, ഇന്ദ്രനീലും. അവര്‍ കര്‍മ്മമേഖലയിലേക്കു കടന്നപ്പോഴും ഒന്നിച്ചു തന്നെ പ്രവര്‍ത്തിക്കണമെന്ന അവരുടെ നിശ്ചയമാണ് ഇരുവരെ ഒന്നിച്ചു നിര്‍ത്തിയതും.
മലയാളത്തിലെ പ്രശസ്തമായ നിര്‍മ്മാണ സ്ഥാപനത്തിന്റെ ചിത്രം ചെയ്യുവാന്‍ ഇവര്‍ക്ക് അവസരം ലഭിച്ചത് ഏറെ അനുഗ്രഹമായി എന്ന് ഇരുവരും പറഞ്ഞു.
ഭാര്യാ ഭര്‍ത്താകന്മാരായ ഛായാഗ്രാഹകര്‍
ഈ ചിത്രത്തിന്റെ ഛായാഗ്രാകര്‍ ഇരട്ടകളെന്നു മാത്രമല്ല, ഭാര്യാഭര്‍ത്താക്കന്മാര്‍ കൂടിയാണ്.
പ്രേം അക്കുടി – ശ്രായന്തി എന്നിവരാണ് ഛായാഗ്രഹണം നിര്‍വ്വഹിക്കുന്നത്. ആഡ് ഫിലിമുകളില്‍ ഏറെക്കാലം ഒന്നിച്ചു പ്രവര്‍ത്തിച്ചവരാണ് പ്രേം അക്കുടിയും ശ്രാവന്തിയും. സായ് പല്ലവി അഭിനയിച്ച ഗാര്‍ഗി എന്ന തമിഴ് ചിത്രത്തിലൂടെയാണ് ഒരു ഫീച്ചര്‍ സിനിമയുടെ ഛായാഗ്രാഹകരാകുന്നത്. ഒരു വര്‍ഷത്തിനു മുമ്പാണ് ഇരുവരും വിവാഹിതരാകുന്നത്. പ്രേം മലയാളിയും ശ്രാവന്തി തമിഴ് വംശജയുമാണ്.
ഇന്‍വെസ്റ്റിഗേറ്റീവ് കോമഡി ത്രില്ലറായി അവതരിപ്പിക്കുന്ന ഈ ചിത്രത്തില്‍ ചിരിയും ചിന്തയും ഒരുപോലെ ഒരു പോലെ സമ്മാനിക്കുന്ന ഈ ചിത്രം ഇന്‍വസ്റ്റിഗേറ്റീവ് ജോണറിലെ ഏറെ വ്യത്യസ്ഥത പുലര്‍ത്തുന്ന ചിത്രം കൂടിയാണ്. ഡിറ്റക്ടീവ് ഉജ്ജ്വലനായി എത്തുന്നത് ധ്യാന്‍ ശ്രീനിവാസനാണ്. സിജു വില്‍സന്‍, കോട്ടയം നസീര്‍, നിര്‍മ്മല്‍ പാലാഴി, ഡോ. റോണി ഡേവിഡ് രാജ്, സീമ ജി. നായര്‍, എന്നിവരും ഏതാനും പുതുമുഖങ്ങളും ഈ ചിത്രത്തില്‍ അണിനിരക്കുന്നു. അമീന്‍ നിഹാല്‍, നിബ്രാസ്, ഷഹു ബാസ് എന്നിവരാണ് ഇവരിലെ പ്രധാനികള്‍.
വിനായക് ശശിക്കുമാറിന്റെ ഗാനങ്ങള്‍ക്ക് ആര്‍.സി. സംഗീതം പകര്‍ന്നിരിക്കുന്നു.
എഡിറ്റിംഗ് -കലാസംവധാനം കോയാസ്, മേക്കപ്പ് ഷാജി പുല്‍പ്പള്ളി, കോസ്റ്റ്യൂം ഡിസൈന്‍ നിസ്സാര്‍ റഹ്‌മത്ത്, ചീഫ് അസ്സോസ്സിയേറ്റ് ഡയറക്ടര്‍ രതീഷ് എം. മൈക്കിള്‍, വിക്കെന്റെ ബ്ലോഗ്ബസ്റ്റര്‍ മാനേജര്‍ റോജിന്‍, പ്രൊഡക്ഷന്‍ മാനേജര്‍ പക്കു കരീത്തറ, പ്രൊഡക്ഷന്‍ കണ്‍ട്രോളര്‍ ജാവേദ് ചെമ്പ്, പ്രൊജക്റ്റ് ഡിസൈനേഴ്‌സ് സെഡിന്‍ പോള്‍, കെവിന്‍ പോള്‍, എക്‌സിക്കുട്ടീവ് പ്രൊഡ്യൂസര്‍ മാനുവല്‍ ക്രൂസ് ഡാര്‍വിന്‍. പി.ആര്‍.ഒ. വാഴൂര്‍ ജോസ്, ഫോട്ടോ നിദാദ്.
പട്ടാമ്പി, ഷൊര്‍ണര്‍, കൊല്ലങ്കോട്, നെന്മാറ ഭാഗങ്ങളിലായി ചിത്രത്തിന്റെ ഷൂട്ടിംഗ് പൂര്‍ത്തിയാകും.
Recent Comments