ഏരീസ് ടെലികാസ്റ്റിംഗ് പ്രൈവറ്റ് ലിമിറ്റഡിന്റെ ബാനറില്‍ അഭിനി സോഹന്‍ നിര്‍മിച്ച് നവാഗതനായ അരുണ്‍ വെണ്‍പാല കഥയും സംവിധാനവും സംഗീത സംവിധാനവും നിര്‍വഹിച്ച ഹൊറര്‍ ഇന്‍വെസ്റ്റിഗേഷന്‍ ചിത്രം ‘കര്‍ണിക’യുടെ ഫസ്റ്റ് ലുക്ക് പോസ്റ്റര്‍ റിലീസ് ചെയ്തു. നിരവധി പ്രശസ്ത സിനിമാതാരങ്ങള്‍ അവരുടെ സോഷ്യല്‍ മീഡിയ പേജുകളിലൂടെയാണ് പോസ്റ്റര്‍ റിലീസ് ചെയ്തിരിക്കുന്നത്.
കവിത, സംവിധാനം, ചലച്ചിത്ര നിര്‍മ്മാണം, തിരക്കഥ എന്നിങ്ങനെ സിനിമയുടെ വിവിധ മേഖലകളില്‍ തന്റേതായ വ്യക്തിമുദ്ര പതിപ്പിച്ച സോഹന്‍ റോയ് ആണ് ചിത്രത്തിന്റെ പ്രോജക്ട് ഡിസൈനര്‍. ഈ ചിത്രത്തിലെ ഒരു പാട്ടിന്റെ രചനയും അദ്ദേഹം നിര്‍വഹിച്ചിട്ടുണ്ട്.
മലയാളം, തമിഴ് ചിത്രങ്ങളിലൂടെ ശ്രദ്ധേയനായ വിയാന്‍ മംഗലശ്ശേരി, പ്രിയങ്ക നായര്‍ എന്നിവരോടൊപ്പം ഒരു കൂട്ടം പുതുമുഖങ്ങളും അണിനിരക്കുന്ന ഈ ചിത്രത്തില്‍ ടി ജി രവി ഒരു പ്രധാന കഥാപാത്രമായെത്തുന്നു.
മോഹന്‍ലാലിന്റെ ഉടമസ്ഥതയിലായിരുന്ന അത്യാധുനിക ഡോള്‍ബി അറ്റ്‌മോസ് സൗണ്ട് സ്റ്റുഡിയോയായ വിസ്മയാസ് മാക്‌സ്, സൗത്ത് ഇന്ത്യയിലെ അത്യാധുനിക സാങ്കേതിക വിദ്യയോട് കൂടിയ തിരുവനന്തപുരത്തെ എസ് എല്‍ തിയേറ്റര്‍ എന്നിവയൊക്കെ ഇപ്പോള്‍ ഏരീസ് ഗ്രൂപ്പിന്റെ ഭാഗമാണ്. സ്‌കൂളുകളിലും കോളേജുകളിലും സിനിമായോട് അഭിരുചിയുള്ള വിദ്യാര്‍ഥികള്‍ക്കായി ആരംഭിച്ച ടാലെന്റ് ക്ലബുകളിലെ അംഗങ്ങള്‍ക്കും സിനിമാരംഗത്ത് അവസരം ലഭ്യമാക്കുന്നതിന്റെ ഭാഗമായി ഈ ചിത്രത്തിലെ പാട്ട്, ഡാന്‍സ്, പോസ്റ്റര്‍ ഡിസൈനിംഗ് എന്നിങ്ങനെ വിവിധ മത്സരങ്ങളും കേരളമൊട്ടാകെ നടത്തുകയാണ്. വിജയികള്‍ക്ക് ലക്ഷക്കണക്കിന് രൂപ സമ്മാനമായി ലഭിക്കുന്നതിനോടൊപ്പം ഏരീസ് ഗ്രൂപ്പിന്റെ അടുത്ത ചിത്രത്തില്‍ അവസരവും ലഭിക്കും.
ഒറ്റപ്പാലം, കണ്ണൂര്‍, എറണാകുളം എന്നിവിടങ്ങളായിരുന്നു സിനിമയുടെ ലൊക്കേഷനുകള്‍. ചിത്രം ജൂലൈയില്‍ പ്രദര്‍ശനത്തിനെത്തും
ഗാനരചന: ധന്യ സ്റ്റീഫന്‍, വിക്ടര്‍ ജോസഫ്, അരുണ്‍ വെണ്‍പാല. ഡിഒപി: അശ്വന്ത് മോഹന്‍. ബിജിഎം: പ്രദീപ് ടോം. പ്രോജക്ട് മാനേജര്‍: ജോണ്‍സണ്‍ ഇരിങ്ങോള്‍. ക്രിയേറ്റീവ് ഹെഡ്: ബിജു മജീദ്. ലൈന്‍ പ്രൊഡ്യൂസര്‍: വിയാന്‍ മംഗലശ്ശേരി. ഫിനാന്‍സ് കണ്‍ട്രോളര്‍: സജീഷ് മേനോന്‍ .ആര്‍ട്ട് രാകേഷ് നടുവില്‍. മേക്കപ്പ് അര്‍ഷാദ് വര്‍ക്കല. കോസ്റ്റുംസ് ഫെമിയ ജബ്ബാര്‍, മറിയ കുമ്പളങ്ങി. ആക്ഷന്‍ അഷ്‌റഫ് ഗുരുക്കള്‍. പിആര്‍ഒ: എംകെ ഷെജിന്‍.
Recent Comments