മോഹന്‍ലാല്‍, റോഷന്‍ മേക്ക എന്നിവര്‍ പ്രധാന വേഷങ്ങളിലെത്തുന്ന വൃഷഭയുടെ രണ്ടാം ഷെഡ്യുള്‍ ഇന്ന് മുംബൈയില്‍ ആരംഭിച്ചു. ഒക്ടോബര്‍ – നവംബര്‍ മാസങ്ങളിലായി രണ്ടാം ഷെഡ്യുള്‍ പൂര്‍ത്തിയാക്കും. ദസറ നാളില്‍ ചിത്രത്തിന്റെ റിലീസ് തീയതി അണിയറപ്രവര്‍ത്തകര്‍ പുറത്തുവിടും.
മൈസൂരിറിലായിരുന്നു ആദ്യ ഷെഡ്യുള്‍. 2023 ജൂലൈ 22ന് ആരംഭിച്ച ചിത്രത്തിന്റെ ആദ്യ ഷെഡ്യൂളില്‍ മോഹന്‍ലാല്‍, റോഷന്‍ മേക്ക, സഹ്റ എസ് ഖാന്‍, ഷാനയ കപൂര്‍ എന്നിവര്‍ പങ്കെടുത്ത രംഗങ്ങളാണ് ചിത്രീകരിച്ചത്. നന്ദ കിഷോറാണ് ചിത്രത്തിന്റെ സംവിധായകന്‍.
മലയാളം, തെലുഗ്, കന്നഡ, തമിഴ്, ഹിന്ദി ഭാഷകളിലായി ചിത്രം റിലീസിനെത്തും. 2024ല്‍ 4500ഓളം സ്‌ക്രീനുകളിലാണ് ചിത്രം പ്രദര്‍ശിപ്പിക്കാന്‍ ഒരുങ്ങുന്നത്. എവിഎസ് സ്റ്റുഡിയോസിന്റെ ബാനറില്‍ അഭിഷേക് വ്യാസ്, ഫസ്റ്റ് സ്റ്റെപ് മൂവീസിന്റെ ബാനറില്‍ വിശാല്‍ ഗുര്‍നാനി, ജൂറി പരേഖ് മെഹ്ത, ശ്യാം സുന്ദര്‍, ബാലാജി ടെലിഫിലിംസിന്റെ ബാനറില്‍ ഏക്ത കപൂര്‍, ശോഭ കപൂര്‍, കണക്ട് മീഡിയയുടെ ബാനറില്‍ വരുണ്‍ മാതുര്‍ എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്.
Recent Comments