സുശാന്ത് സിങ് രാജ് പുതിന്റെ മരണത്തെ തുടര്‍ന്ന് മഹേഷ് ഭട്ടും കുടുംബവും വലിയ വിവാദങ്ങളെയാണ് നേരിട്ടുകൊണ്ടിരിക്കുന്നത്. സഞ്ജയ് ദത്തും പൂജാഭട്ടും അഭിനയിച്ച മഹേഷ് ഭട്ടിന്റെ റൊമാന്റിക് റോഡ് ത്രില്ലര്‍ സിനിമയായിരുന്നു ‘സഡക്ക്’. അതിന്റെ രണ്ടാംഭാഗം ‘സഡക് 2’ ആഗാസ്റ്റ് 28-ന് ഒടിടി പ്ലാറ്റ്‌ഫോമില്‍ റിലീസ് ചെയ്യുന്നതിന്റെ മുന്നോടിയായി, അണിയറക്കാര്‍ ചിത്രത്തിന്റെ ട്രെയിലര്‍ പുറത്തു വിട്ടിരുന്നു. ഡിസ്ലൈക്ക് കാമ്പയിനിലൂടെ വലിയ എതിര്‍പ്പിനെയാണ് മഹേഷ് ഭട്ടിനും മകള്‍ ആലിയാ ഭട്ടിനും അതിജീവിക്കേണ്ടി വന്നത്. മഹേഷ് ഭട്ട് തന്നെയാണ് രണ്ടാം ഭാഗത്തിന്റേയും സംവിധായകന്‍.
എതിര്‍പ്പുകളെ അവഗണിച്ച് ചിത്രത്തിന്റെ ട്രെയിലര്‍ യുട്യൂബില്‍ പുറത്തിറങ്ങുകയും നിമിഷങ്ങള്‍ക്കകം ദശലക്ഷക്കണക്കിന് കാണികളെ നേടി സോഷ്യല്‍ മീഡിയായില്‍ തരംഗമായി. ഈ സന്ദര്‍ഭത്തിലാണ് സഡക് 2വിലെ ‘തും സേ ഹി’ എന്ന ആദ്യ ഗാന വീഡിയോ പുറത്തു വിട്ടത്. പതിവു ഡിസ്ലൈക്ക് പ്രവാഹമുണ്ടായെങ്കിലും അതിനെയെല്ലാം അതിജീവിച്ചുകൊണ്ട് റിലീസ് ചെയ്ത് ഒരു ദിവസം പിന്നിട്ടപ്പോള്‍ 12 മില്യനില്‍കൂടുതല്‍ കാഴ്ചക്കാരുമായി ആ വീഡിയോ വന്‍ മുന്നേറ്റം നടത്തി വൈറലായി.
https://www.youtube.com/watch?v=eD2S1UUL0s4&feature=youtu.be
ഇതിനൊക്കെ പിന്നാലെ കഴിഞ്ഞ ദിവസം രണ്ടാമത്തെ ഗാന വിഡിയോയും പുറത്തു വിട്ടു. ‘ഇഷ്‌ക്ക് കമാല്‍’ എന്ന പ്രണയാര്‍ദ്രമായ ശോകഗാനം ആരാധകപ്രീതി നേടി ശ്രദ്ധേയമായിരിക്കയാണ്. സുനില്‍ ജീതാണ് സംഗീതസംവിധായകന്‍.
സഞ്ജയ് ദത്തിനൊപ്പം യുവ താരങ്ങളായ ആലിയാ ഭട്ടും ആദിത്യ റോയ് കപൂറും ഒത്തു ചേരുന്ന ‘സഡക് 2’ വില്‍ പ്രിയങ്കാബോസ്, മകരന്ദ് ദേശ് പാണ്ഡെ, മോഹന്‍ കപൂര്‍, അക്ഷയ് ആനന്ദ് എന്നിവരാണ് മറ്റു പ്രധാന അഭിനേതാക്കള്‍. ഈ ചിത്രവും പ്രണയ കഥാ പാശ്ചാതലത്തിലുള്ള റോഡ് ത്രില്ലറാണത്രെ. ഡിസ്നി പ്ലസ് ഹോട്ട് സ്റ്റാര്‍ മള്‍ട്ടിപ്‌ളെക്‌സില്‍ ഫോക്‌സ് സ്റ്റാര്‍ സ്‌റുഡിയോസാണ് 28 ന് ചിത്രം റിലീസ് ചെയ്യുന്നത്. സുശാന്തിന്റെ ‘ദില്‍ ബേച്ചാരെ’ റിലീസ് ചെയ്തതും ഫോക്‌സ് സ്റ്റാര്‍ സ്റ്റുഡിയോസായിരുന്നു. മുകേഷ് ഭട്ടിന്റെ വിശേഷ് ഫിലിംസിന്റേയും ഫോക്‌സ് സ്റ്റാര്‍ സ്റ്റുഡിയോസിന്റേയും സംയുക്ത നിര്‍മ്മാണ സംരംഭം കൂടിയാണ് ‘സഡക് 2’.
സി.കെ. അജയ് കുമാര്‍, പിആര്‍ഒ
Recent Comments