രജനികാന്ത് നായകനാക്കി നെല്‍സന്‍ സംവിധാനം ചെയ്ത ജയിലര്‍ എന്ന ചിത്രത്തിന്റെ രണ്ടാമത്തെ ലിറിക്കല്‍ ഗാനം റിലീസായി. ജയിലറിന്റെ ആദ്യ ഗാനം ‘കാവാല’ ട്രെന്റിംഗായി തുടരുന്ന സമയത്തുതന്നെ ‘ടൈഗര്‍ കാ ഹുക്കും’ സൂപ്പര്‍ഹിറ്റിലേയ്ക്ക് കുതിച്ചുകൊണ്ടിരിക്കുന്നു. സംഗീതസംവിധായകനായ അനിരുദ്ധ് തന്നെയാണ് ഈ ഗാനം ആലപിച്ചിരിക്കുന്നും.
സണ്‍ പിക്‌ചേഴ്‌സിന്റെ ബാനറില്‍ കലാനിധി മാരന്‍ നിര്‍മിക്കുന്ന ജയിലര്‍ ഓഗസ്റ്റ് 10 നാണ് തീയേറ്ററുകളില്‍ എത്തുന്നത്. ആദ്യമായി മോഹന്‍ലാല്‍ രജനികാന്തിനൊപ്പം സ്‌ക്രീന്‍ സ്പേസ് പങ്കിടുന്ന ചിത്രമെന്ന പ്രത്യേകതയും ജയിലറിനുണ്ട്. രജനിയുടെ 169-ാം ചിത്രമാണ് ജയിലര്‍. മുത്തുവേല്‍ പാണ്ഡ്യന്‍ എന്ന ജയിലറുടെ വേഷത്തിലാണ് രജനി എത്തുന്നത്.
കേരളത്തിലെ വിതരണാവകാശം ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ സ്വന്തമാക്കി. ദളപതി വിജയുടെ അടുത്ത ചിത്രം ലിയോയും തീയേറ്ററില്‍ എത്തിക്കുന്നത് ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ തന്നെയാണ്. ഡ്രീം ബിഗ് ഫിലിംസാണ് ചിത്രത്തിന്റെ ഡിസ്ട്രിബ്യുഷന്‍ പാര്‍ട്ണര്‍.
തമന്നയാണ് നായിക. ദളപതി വിജയ് നായകനായെത്തിയ ബീസ്റ്റ് എന്ന ചിത്രത്തിന് ശേഷം നെല്‍സന്‍ സംവിധാനം ചെയ്യുന്ന ചിത്രം കൂടിയാണ് ജയിലര്‍.
Recent Comments