മണിരത്‌നം സംവിധാനം ചെയ്ത ‘പൊന്നിയിന്‍ സെല്‍വന്‍’ എന്ന ബ്രഹ്മാണ്ഡ ഇതിഹാസ ചിത്രത്തിന്റെ രണ്ടാം ഭാഗമായ ‘പിഎസ്-2’ വിലെ രണ്ടാമത്തെ ഗാനത്തിന്റെ ലിറിക്കല്‍ വീഡിയോ അണിയറക്കാര്‍ റിലീസ് ചെയ്തു. റഫീക്ക് അഹമ്മദ് രചിച്ച എ.ആര്. റഹ്മാന് സംഗീതം നല്‍കി, ശ്രീനിവാസും, ശ്വേതാ മോഹനും ആലപിച്ച
‘വീര രാജ വീര ശൂര ധീര ശൂര
വീഴാ ചോള വീര പൂര്‍ണ ലോകം വാഴാം’ എന്ന ഗാനമാണ് പുറത്ത് വിട്ടത്. ഗാനം പുറത്തിറങ്ങി നിമിഷങ്ങള്‍ക്കകം തന്നെ തരംഗമായിരിക്കയാണ്. ജയം രവി അവതരിപ്പിക്കുന്ന അരുള്‍മൊഴി വര്‍മ്മന്റെയും ശോഭിതാ ധൂലിപാല അവതരിപ്പിക്കുന്ന വാനതിയുടെയും തീവ്ര പ്രണയമാണ് ഗാനത്തിലൂടെ ദൃശ്യവല്‍ക്കരിച്ചിരിക്കുന്നത്.
സാഹിത്യകാരന്‍ കല്‍ക്കി കൃഷ്ണമൂര്‍ത്തിയുടെ വിശ്വ പ്രസിദ്ധ ചരിത്ര നോവല്‍ ‘പൊന്നിയിന്‍ സെല്‍വന്‍’ ആധാരമാക്കിയാണ് മണിരത്‌നം ചിത്രം ഒരുക്കിയിരിക്കുന്നത്.
വിക്രം,കാര്‍ത്തി, ജയം രവി, ഐശ്വര്യാ റായ് ബച്ചന്‍, തൃഷകൃഷ്ണ, റഹ്മാന്, പ്രഭു, ജയറാം, ശരത് കുമാര്‍, വിക്രം പ്രഭു, ബാബു ആന്റണി, റിയാസ് ഖാന്‍, ലാല്‍, അശ്വിന്‍ കാകുമാനു, റിയാസ് ഖാന്‍, ശോഭിതാ ധൂലിപാല, ഐശ്വര്യ ലക്ഷ്മി, ജയചിത്ര എന്നിവരാണ് അഭിനേതാക്കള്‍. ചിത്രം ഏപ്രില്‍ 28-ന് ലോകമെമ്പാടുമുള്ള തീയേറ്ററുകളില്‍ റിലീസ് ചെയ്യും. ലൈക്കാ പ്രൊഡക്ഷന്‍സും മദ്രാസ് ടാക്കീസും സംയുക്തമായി നിര്‍മ്മിച്ച ബ്രഹ്മാണ്ഡ ചിത്രത്തിന്റെ രണ്ടാം ഭാഗമായ പൊന്നിയിന്‍ സെല്‍വന്‍-2 തമിഴ്, മലയാളം, തെലുങ്ക്, കന്നഡ, ഹിന്ദി എന്നീ ഭാഷകളില്‍ റിലീസ് ചെയ്യും. ശ്രീഗോകുലം മൂവീസാണ് ചിത്രത്തിന്റെ കേരള വിതരണക്കാര്‍. പി.ആര്.ഒ. സി.കെ. അജയ് കുമാര്‍.
Recent Comments