ആരാധകര്‍ ആകാംക്ഷയോടെ കാത്തിരിക്കുന്ന വിജയ്-വെങ്കട് പ്രഭു ചിത്രം ദളപതി 68 ന്റെ ഷൂട്ടിങ്ങ് ആരംഭിച്ചു. നിലവില്‍ ഹൈദരബാദില്‍ ചില സുപ്രധാന രംഗങ്ങളുടെ ചിത്രീകരണം നടക്കുകയാണ്. മൂന്ന് ആഴ്ചത്തെ ഷൂട്ടിങ്ങിന് ശേഷം ഹൈദരബാദില്‍ നിന്ന് തുര്‍ക്കിയിലേക്ക് ലൊക്കേഷന്‍ ഷിഫ്റ്റ് ചെയ്യും.
ജയറാം, പ്രശാന്ത്, പ്രഭുദേവ, മോഹന്‍, സ്നേഹ, ലൈല, യോഗിബാബു, വിടിവി ഗണേഷ് തുടങ്ങിയവരാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്. മീനാക്ഷി ചൗധരിയാണ് നായിക. എജിഎസ് എന്റര്‍ടെയിന്‍മെന്റിന്റെ ബാനറില്‍ അര്‍ച്ചന കലപതി, കലപതി എസ് അഘോരം, കലപതി എസ് ഗണേഷ്, കലപതി എസ് സുരേഷ് എന്നിവരാണ് ചിത്രം നിര്‍മ്മിക്കുന്നത്.എ.ജി.എസ് എന്റര്‍ടെയിന്‍മെന്റിന്റെ 25-ാം ചിത്രമാണിത്.
ചിത്രത്തിന് സംഗീതമൊരുക്കുന്നത് യുവന്‍ ശങ്കര്‍രാജയാണ്. സിദ്ധാര്‍ത്ഥ് നൂനി ഛായാഗ്രഹണവും വെങ്കട് രാജന്‍ എഡിറ്റിങ്ങും നിര്‍വഹിക്കുന്നു. ദിലീപ് സുബ്ബരായനാണ് സംഘട്ടന സംവിധാനം.
Recent Comments