ഏറെ പുരസ്‌കാരങ്ങള്‍ നേടിയ ‘മകള്‍’, പ്രേക്ഷക ശ്രദ്ധ നേടിയ ‘ദെന്‍ വീ മെറ്റ്’ എന്നീ ഹ്രസ്വ ചിത്രങ്ങള്‍ക്ക് ശേഷം അഖില സായൂജ് സംവിധാനം ചെയ്ത ഹ്രസ്വ ചിത്രമാണ് അചലം നീ സദാ. നിര്‍മ്മാണം സായൂജ് പട്ടാട്ട്.
സംഗീത പ്രാധാന്യമുള്ള ഈ ചിത്രം ഒരുക്കുന്നത് ഓപ്‌സ്‌ഫോണ്‍സ് എന്റര്‍ടെയ്ന്‍മെന്റ്‌സാണ്. ഛായാഗ്രഹണം ശ്യാം, ചിത്രസംയോജനം സുരാജ് രാജേന്ദ്രന്‍ എന്നിവരാണ് നിര്‍വഹിച്ചിരിക്കുന്നത്. നോ വേ ഔട്ട് എന്ന പിഷാരടി ചിത്രത്തിന് സംഗീതം നല്‍കിയ കെആര്‍ രാഹുലാണ് പശ്ചാത്തല സംഗീതവും ടൈറ്റില്‍ മ്യൂസിക്കും. ഗാനങ്ങള്‍ രാഹുലും രോഷിനി ലാലും ആലപിച്ചിരിക്കുന്നു.
പബ്ലിസിറ്റി ഡിസൈനര്‍ സോഹില്‍ പി.എസ്, സിനിമാ രംഗത്തെ മുന്‍ നിര കളറിസ്റ്റുകളില്‍ ഒരാളായ സുജിത്ത് സദാശിവനാണ് ചിത്രത്തിന്റെ കളറിംഗ്.
ബിതുല്‍ ബാബു ചാക്കോ, അലീന സാജന്‍, അഞ്ചു എബ്രഹാം, റോയ് ടി കോണിക്കല്‍, പോള്‍ ചെറിയാന്‍, ആല്‍ബിന്‍ ബിജു എന്നിവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.
സംവിധാന സഹായികള്‍ സബിന്‍ സാബു പരുത്തി പറമ്പില്‍, രേഷ്മ ആര്‍ ആര്‍, അഭിലാഷ് ദിനകരന്‍, ആല്‍ബിന്‍ ബിജു. ക്യാമറാ അസിസ്റ്റന്റ്‌സ് ഗീതു ശ്യാം, സായൂജ് പി എസ്. സുജിത്ത് പറവൂര്‍ ആണ് മേക്ക്-അപ്പ്.
ഒരു കവിതയിലൂടെ സ്‌നേഹത്തിന്റെയും വിരഹത്തിന്റെയും കഥ പറഞ്ഞു പോകുകയാണ് ചിത്രം. ചിത്രം യൂട്യൂബിലൂടെ പ്രേക്ഷകര്‍ക്ക് മുന്നിലേക്ക് എത്തിയിരിക്കുന്നു… വളരെ മികച്ച പ്രതികരണമാണ് ചിത്രം നേടുന്നത്.
Recent Comments