പ്രേക്ഷകര്‍ ഒന്നടങ്കം കാത്തിരിക്കുന്ന പ്രഭാസ് – നാഗ് അശ്വിന്‍ ബ്രഹ്‌മാണ്ഡ ചിത്രം ‘കല്‍ക്കി 2898 AD’യുടെ പ്രി റിലീസ് ചടങ്ങ് മുംബൈയില്‍ നടന്നു. വൈജയന്തി മൂവീസിന്റെ ബാനറില്‍ നിര്‍മിക്കുന്ന ചിത്രം താരനിബിഢമായിയിരുന്നു. ജൂണ്‍ 27ന് ചിത്രം ലോകമെമ്പാടും റിലീസിനെത്തും. വേഫറര്‍ മൂവീസാണ് ചിത്രം കേരളത്തില്‍ വിതരണത്തിനെത്തിക്കുന്നത്.
അമിതാബ് ബച്ചന്‍, കമല്‍ഹാസന്‍, പ്രഭാസ്, ദീപിക പദുക്കോണ്‍ തുടങ്ങി പ്രധാന താരങ്ങള്‍ ചടങ്ങില്‍ പങ്കെടുത്തു. ചിത്രത്തിന്റെ ട്രെയിലര്‍ യൂട്യൂബ് ട്രെന്‍ഡിങ്ങ് ലിസ്റ്റില്‍ ഇടം നേടുകയും വന്‍ പ്രേക്ഷക സ്വീകാര്യത ലഭിക്കുകയും ചെയ്തിരുന്നു. ചിത്രത്തിന്റെ റിലീസിനായി അക്ഷമരായി കാത്തിരിക്കുകയാണ് പ്രേക്ഷകര്‍. വര്‍ഷങ്ങള്‍ക്ക് ശേഷം ശോഭന തെലുങ്ക്് ഇന്‍ഡസ്ട്രിയിലേക്ക് ‘കല്‍ക്കി 2898’ ലൂടെ തിരിച്ചെത്തുന്നതും പ്രേക്ഷകര്‍ക്ക് ആവേശം പകരുന്നു.
ചരിത്രങ്ങള്‍ കുറിച്ചുകൊണ്ടാണ് ‘കല്‍ക്കി 2898’ന്റെ വരവ്. കോമിക് കോണ്‍ സാന്‍ ഡിയഗോയില്‍ അവതരിപ്പിക്കുന്ന ആദ്യ ഇന്ത്യന്‍ സിനിമ എന്ന പ്രത്യേകതയും ആനിമേറ്റഡ് സീരീസ് പ്രെസെന്റ് ചെയ്ത ആദ്യ ഇന്ത്യന്‍ സിനിമയും ‘കല്‍ക്കി 2898 AD’ ആയി മാറിക്കഴിഞ്ഞു.
ബിസി 3101-ലെ മഹാഭാരതത്തിലെ ഇതിഹാസ സംഭവങ്ങളില്‍നിന്ന് തുടങ്ങി 2898 AD വരെ സംഭവിക്കുന്ന സഹസ്രാബ്ദങ്ങള്‍ നീണ്ടുനില്‍ക്കുന്ന ഒരു യാത്രയാണ് കല്‍ക്കിയുടെ ഇതിവൃത്തം. പിആര്‍ഒ ശബരി.
Recent Comments