ഫഹദ് ഫാസില്‍ നായകനായി എത്തുന്ന ഏറ്റവും പുതിയ ചിത്രമായ ആവേശത്തിന്റെ ടീസര്‍ പുറത്തിറങ്ങി. രോമാഞ്ചത്തിന് ശേഷം ജിത്തു മാധവന്‍ തിരക്കഥയെഴുതി സംവിധാനം ചെയ്യുന്ന ചിത്രം എന്ന പ്രത്യേകതയും ആവേശത്തിനുണ്ട്. 2024 ഏപ്രില്‍ 11-നാണ് ചിത്രത്തിന്റ റിലീസ്.
അന്‍വര്‍ റഷീദ് എന്റര്‍ടൈന്‍മെന്റ്,ഫഹദ് ഫാസില്‍ ആന്റ് ഫ്രണ്ട്‌സ് എന്നീ ബാനറില്‍ അന്‍വര്‍ റഷീദും നസ്രിയ നസീമും ചേര്‍ന്നാണ് ചിത്രം നിര്‍മ്മിക്കുന്നത്. മന്‍സൂര്‍ അലി ഖാന്‍, ആശിഷ് വിദ്യാര്‍ത്ഥി, സജിന്‍ ഗോപു,പ്രണവ് രാജ്, മിഥുന്‍ ജെ എസ്,റോഷന്‍ ഷാനവാസ്, ശ്രീജിത്ത് നായര്‍,പൂജ മോഹന്‍രാജ്, നീരജ് രാജേന്ദ്രന്‍, തങ്കം മോഹന്‍ തുടങ്ങിയവരും ചിത്രത്തില്‍ വേഷമിടുന്നു.
വിനായക് ശശികുമാര്‍ എഴുതിയ വരികള്‍ക്ക് സുഷിന്‍ ശ്യാമാണ് സംഗീതം പകരുന്നത്. രംഗന്‍ എന്ന ഗുണ്ടയായിട്ടാണ് ടീസറില്‍ ഫഹദ് ഫാസില്‍ പ്രത്യക്ഷപ്പെടുന്നത്. ഒരു കോമഡി എന്റര്‍ടെയ്‌നറിന്റെ പ്രതീതിയാണ് ടീസറില്‍ കാണാന്‍ കഴിയുന്നത്. സമീര്‍ താഹിറാണ് ചിത്രത്തിന്റെ ഛായാഗ്രഹണം നിര്‍വഹിക്കുന്നത്.
Recent Comments