സുരേഷ് ഗോപിയുടെ മകന്‍ മാധവ് സുരേഷ് നായകനായി എത്തുന്ന ചിത്രം, ‘കുമ്മാട്ടിക്കളി’ യുടെ ട്രെയിലര്‍ പുറത്തിറങ്ങി. സുരേഷ് ഗോപിയും ദുല്‍ഖര്‍ സല്‍മാനും അവരുടെ ഒഫീഷ്യല്‍ ഫേസ്ബുക്ക് പേജിലൂടെയാണ് ട്രെയിലര്‍ പുറത്തുവിട്ടത്. പ്രശസ്ത സിനിമാ നിര്‍മ്മാണ കമ്പനിയായ സൂപ്പര്‍ ഗുഡ് ഫിലിംസ് നിര്‍മ്മിക്കുന്ന ചിത്രം സംവിധാനം ചെയ്യുന്നത് ചിമ്പു, വിജയ് തുടങ്ങിയ മുന്‍നിര നായകന്മാരെ വച്ച് ഹിറ്റ് സിനിമകള്‍ സംവിധാനം ചെയ്ത വിന്‍സെന്റ് സെല്‍വയാണ്. വിന്‍സന്റ് സെല്‍വയുടെ ആദ്യ മലയാള ചിത്രമാണ് ‘കുമ്മാട്ടിക്കളി’. ആര് ബി ചൗധരിയുടെ ഉടമസ്ഥതയിലുള്ള പ്രശസ്ത സിനിമാ നിര്‍മ്മാണ കമ്പനിയായ സൂപ്പര്‍ ഗുഡ് ഫിലിംസാണ് ചിത്രം നിര്‍മ്മിക്കുന്നത്. സൂപ്പര്‍ ഗുഡ് ഫിലിംസിന്റെ 98-ാമത്തെ നിര്‍മ്മാണ സംരംഭമാണിത്. ദിലീപ് നായകനായി എത്തിയ ചിത്രം ‘തങ്കമണി ‘ നിര്‍മ്മിച്ചതും സൂപ്പര്‍ ഗുഡ് ഫിലിംസാണ്.
കടപ്പുറവും കടപ്പുറത്തെ ജീവിതങ്ങളെയും പ്രമേയമാക്കി ഒരുങ്ങുന്ന ചിത്രമാണ് കുമ്മാട്ടിക്കളി. മാധവ് സുരേഷ് ഗോപിയുടെ അരങ്ങേറ്റ ചിത്രമാണിത്. ഒരു കുമ്മാട്ടി കളിയുടെ ദിവസം കടപ്പുറത്ത് എത്തിച്ചേരുന്നതും പിന്നീട് ആ കടപ്പുറത്തുള്ള അവരുടെ ജീവിതകഥയിലൂടെയുമാണ് ചിത്രം പോകുന്നത്. മാധവന്റെയും കൂട്ടുകാരുടെയും ഗംഭീര പ്രകടനം ട്രെയിലറിലുടനീളം കാണാം. തുടക്കക്കാരന്റെ പതര്‍ച്ചകള്‍ ഒന്നുമില്ലാതെ തന്നെ മാധവ് ആ വേഷം കൈകാര്യം ചെയ്തിട്ടുണ്ട്. ലെനയുടെ കരിയര്‍ ബെസ്റ്റ് പെര്‍ഫോമന്‍സ് കൂടി ട്രെയിലറില്‍ കാണാം. തല മൊട്ടയടിച്ച രീതിയിലും ലെന ചിത്രത്തിലെത്തുന്നു. തമിഴ്, കന്നട സിനിമകളിലെ നടീനടന്മാരെ ഉള്‍പ്പെടുത്തി ഒരുക്കുന്ന ചിത്രത്തില്‍ ലെന, ദേവിക സതീഷ്, യാമി, അനുപ്രഭ, മൈം ഗോപി, അസീസ് നെടുമങ്ങാട് ദിനേശ് ആലപ്പി, സോഹന്‍ ലാല്‍, ആല്‍വിന്‍ ആന്റണി ജൂനിയര്‍, സിനോജ് അങ്കമാലി, ധനഞ്ജയ് പ്രേംജിത്ത്, മിഥുന്‍ പ്രകാശ്, അനീഷ് ഗോപാല്‍, റാഷിക് അജ്മല്‍ എന്നിവര്‍ പ്രധാന വേഷങ്ങളില്‍ എത്തുന്നു.
സംവിധായകന്‍ ആര്.കെ. വിന്‍സെന്റ് സെല്‍വയുടേതാണ് തിരക്കഥ. ഛായാഗ്രഹണം വെങ്കിടേഷ് വി. പ്രോജക്ട് ഡിസൈനര്‍ സജിത്ത് കൃഷ്ണ, സംഗീതം ജാക്‌സണ്‍ വിജയന്‍, ലിറിക്‌സ് സജു എസ്, ഡയലോഗ്‌സ് ആര് കെ വിന്‍സെന്റ് സെല്‍വ, രമേശ് അമ്മനത്ത്. എഡിറ്റര്‍ ആന്റണി,സംഘട്ടനം ഫീനിക്‌സ് പ്രഭു, പ്രൊഡക്ഷന്‍ കണ്‍ട്രോളര്‍ അമൃത മോഹന്‍, ചീഫ് അസോസിയേറ്റ് മഹേഷ് മനോഹര്‍, മേക്കപ്പ് പ്രതിഭ രംഗന്‍, ആര്‍ട്ട് ഡയറക്ടര്‍ മഹേഷ് നമ്പി, കോസ്റ്റ്യൂം അരുണ്‍ മനോഹര്‍, പിആര്‍ഒ മഞ്ജു ഗോപിനാഥ്, സ്റ്റില്‍സ് ബാവിഷ്, ഡിസൈന്‍ ചിറമേല്‍ മീഡിയ വര്‍ക്ക്‌സ്.
ആലപ്പുഴ, കൊല്ലം നീണ്ടകര എന്നിവിടങ്ങളിലായി ഷൂട്ടിംഗ് പൂര്‍ത്തിയാക്കിയ ‘കുമ്മാട്ടിക്കളി’ ഡ്രീം ബിഗ് ഫിലിംസ് ഉടന്‍ തീയറ്ററുകളില്‍ എത്തിക്കും.
Recent Comments