സുബീഷ് സുധി നായകനാകുന്ന ‘ഒരു ഭാരത സര്‍ക്കാര്‍ ഉത്പന്നം’ എന്ന ചിത്രത്തിന്റെ ട്രെയിലര്‍ പുറത്തിറങ്ങി. ടി.വി. രഞ്ജിത്താണ് ചിത്രം സംവിധാനം ചെയ്യുന്നത്. ഗൗരി ജി. കിഷനും ഷെല്ലി കിഷോറുമാണ് ചിത്രത്തിലെ നായികമാര്‍.
പുരുഷവന്ധ്യകരണത്തിനായി ആളെ കണ്ടെത്താന്‍ ശ്രമിക്കുന്ന ആശാവര്‍ക്കറുടെയും അവര്‍ അഭിമുഖികരിക്കേണ്ടി വരുന്ന സംഭവങ്ങളുമാണ് ട്രെയിലറില്‍ കാണാന്‍ സാധിക്കുന്നത്. പുരുഷവന്ധ്യകരണം എന്ന സര്‍ക്കാര്‍ പദ്ധതിയും സാധാരണക്കാരില്‍ അത് ഉണ്ടാക്കുന്ന സ്വാധീനവുമെല്ലാം ചിത്രത്തില്‍ ചര്‍ച്ചയാകുന്നുണ്ട്. ഒരു മുഴുനീള കോമഡി എന്റര്‍ടെയിനറാകും സിനിമയെന്നാണ് ട്രെയിലര്‍ നല്‍കുന്ന സൂചന.
അജു വര്‍ഗീസ്, ദര്‍ശന എസ്. നായര്‍, ലാല്‍ ജോസ്, വിനീത് വാസുദേവന്‍, ജാഫര്‍ ഇടുക്കി, ഗോകുല്‍, രാജേഷ് അഴീക്കോടന്‍ തുടങ്ങിയവരും ചിത്രത്തില്‍ അഭിനയിക്കുന്നു. ഭവാനി പ്രൊഡക്ഷന്‍സിന്റെ ബാനറില്‍ രഞ്ജിത്ത് ജഗനാഥന്‍, ടി.വി. കൃഷ്ണന്‍ തുരുത്തി, കെ.സി. രഘുനാഥ് എന്നിവര്‍ ചേര്‍ന്ന് നിര്‍മ്മിക്കുന്ന ചിത്രത്തിന്റെ ഛായാഗ്രഹണം അന്‍സര്‍ ഷാ നിര്‍വഹിക്കുന്നു.
Recent Comments