ആസിഫ് അലിയെയും അര്‍ജുന്‍ അശോകനേയും കേന്ദ്രകഥാപാത്രങ്ങളാക്കി ഓസ്‌കാര്‍ ജേതാവ് റസൂല്‍ പൂക്കുട്ടി ആദ്യമായി സംവിധാനം ചെയ്യുന്ന ‘ഒറ്റ’യുടെ ട്രെയിലര്‍ പുറത്തിറങ്ങി. സമൂഹ്യമാധ്യമങ്ങളില്‍ ഗംഭീര സ്വീകരണമാണ് ട്രെയിലറിന് ലഭിക്കുന്നത്. ഒക്ടോബര്‍ 27 ന് ഒറ്റ തീയറ്ററുകളില്‍ പ്രദര്‍ശനത്തിനെത്തും. സെഞ്ച്വറി ഫിലിംസാണ് ‘ഒറ്റ’ കേരളത്തിലെ തീയേറ്ററുകളിലെത്തിക്കുന്നത്.
ബാല്യമോ, കൗമാരമോ, യൗവ്വനമോ ആയിക്കൊള്ളട്ടെ, ജീവിതത്തിലേല്‍ക്കുന്ന അടയാളങ്ങളെ ഓര്‍മിപ്പിക്കുന്ന അനുഭവങ്ങള്‍ ജീവിതയാത്രയില്‍ ഓരോരുത്തരെയും തേടിയെത്തികൊണ്ടേയിരിക്കും. രക്ഷപ്പെടാന്‍ തേടുന്ന വഴികള്‍ ചിലപ്പോഴൊക്കെ പാളിപ്പോകാം. നമ്മളൊന്ന് കണ്ണ് തുറന്ന് നോക്കിയാല്‍ കാണാം നമുക്ക് ചുറ്റും അങ്ങനെയുള്ള പല ജീവിതങ്ങളും. ആ ജീവിത കഥകളെ ഓര്‍മ്മിപ്പിക്കും വിധം ‘ഒറ്റ’ ട്രെയിലര്‍ ശ്രദ്ധേയമാകുന്നു.
റസൂല്‍ പൂക്കുട്ടി ആദ്യമായി സംവിധാനമേലങ്കി അണിയുന്ന ‘ഒറ്റ’യില്‍ മലയാളം-തമിഴ്-കന്നഡ സിനിമകളിലെ മുന്‍നിരതാരങ്ങള്‍ അണിനിരക്കുന്നു. ആസിഫ് അലി, അര്‍ജുന്‍ അശോകന്‍ എന്നിവരെ കൂടാതെ ഇന്ദ്രജിത്ത്, സത്യരാജ്, രോഹിണി, ആദില്‍ ഹുസൈന്‍, ഇന്ദ്രന്‍സ്, രഞ്ജി പണിക്കര്‍, മേജര്‍ രവി, സുരേഷ് കുമാര്‍, ശ്യാമ പ്രസാദ്, സുധീര്‍ കരമന, ബൈജു പൂക്കുട്ടി, ദിവ്യ ദത്ത, കന്നഡ നടി ഭാവന, ലെന, മംമ്ത മോഹന്‍ദാസ്, ജലജ, ദേവി നായര്‍ തുടങ്ങി നിരവധി താരങ്ങളും ചിത്രത്തില്‍ അണിനിരക്കുന്നു.
ചിത്രത്തിന്റെ നിര്‍മ്മാതാവ് എസ്. ഹരിഹരന്റെ യഥാര്‍ത്ഥ ജീവിതത്തില്‍ നിന്നെടുത്ത ഓര്‍മ്മകളിലൂടെയാണ് കഥ സഞ്ചരിക്കുന്നത്. സമൂഹത്തിന്റെ ഒരു നേര്‍ക്കാഴ്ചയാണ് ചിത്രം എന്ന് കാണുന്ന ഓരോ പ്രേക്ഷകനും മനസ്സില്‍ തോന്നുംവിധത്തിലുള്ളതാണ് ട്രെയിലറിന്റെ ഉള്ളടക്കം. ത്രില്ലര്‍ ഫാമിലി എന്റര്‍ടെയ്‌നറാണ് ചിത്രം. ബിഗ് ബഡ്ജറ്റില്‍ ഒരുങ്ങുന്ന ചിത്രം റസൂല്‍ പൂക്കുട്ടിയുടെ ഏറെ കാലത്തെ സ്വപ്നസാഫല്യമാണ്. ചില്‍ഡ്രന്‍ റീ യുണൈറ്റഡ് എല്‍എല്‍പിയും റസൂല്‍ പൂക്കുട്ടി പ്രൊഡക്ഷന്‍സും ചേര്‍ന്നൊരുക്കുന്ന ‘ഒറ്റ’യുടെ നിര്‍മ്മാതാവ് എസ് ഹരിഹരന്‍. കഥ കിരണ്‍ പ്രഭാകര്‍.
വൈരമുത്തു, റഫീക്ക് അഹമ്മദ് എന്നിവരുടെ വരികള്‍ക്ക് എം. ജയചന്ദ്രനാണ് സംഗീതം ഒരുക്കിയിരിക്കുന്നത്. പി. ജയചന്ദ്രന്‍, ശ്രേയ ഘോഷാല്‍, ശങ്കര്‍ മഹാദേവന്‍, ജാസി ഗിഫ്റ്റ്, ബെന്നി ദയാല്‍, അല്‍ഫോന്‍സ് തുടങ്ങിയവരാണ് ഗാനങ്ങള്‍ ആലപിച്ചിരിക്കുന്നത്. സൗണ്ട് ഡിസൈന്‍ റസൂല്‍ പൂക്കുട്ടി, വിജയകുമാര്‍. ഛായാഗ്രഹണം അരുണ്‍ വര്‍മ്മ, ക്രിയേറ്റീവ് പ്രൊഡ്യൂസര്‍ കുമാര്‍ ഭാസ്‌കര്‍, എഡിറ്റര്‍ സിയാന്‍ ശ്രീകാന്ത്, എക്‌സിക്യൂട്ടീവ് പ്രൊഡ്യൂസേഴ്‌സ് അരോമ മോഹന്‍, വി. ശേഖര്‍. പ്രൊഡക്ഷന്‍ ഡിസൈനര്‍ സിറില്‍ കുരുവിള, സൗണ്ട് മിക്‌സ് കൃഷ്ണനുണ്ണി കെ ജെ, ബിബിന്‍ ദേവ്. ആക്ഷന്‍ കൊറിയോഗ്രാഫര്‍ ഫീനിക്‌സ് പ്രഭു, കോസ്റ്റ്യൂം റിതിമ പാണ്ഡെ, മേക്കപ്പ് രതീഷ് അമ്പാടി, പ്രൊഡക്ഷന്‍ മാനേജര്‍ ഹസ്മീര്‍ നേമം, സ്റ്റില്‍സ് സലീഷ് പെരിങ്ങോട്ടുകര, മുരളി മുംബൈ, പ്രശാന്ത് കൊച്ചി എന്നിവരാണ് പ്രൊഡക്ഷന്‍ ഡിസൈനേഴ്സ്. കളറിസ്റ്റ് ലിജു പ്രഭാകര്‍. അസോസിയേറ്റ് ഡയറക്ടേഴ്‌സ് ബോസ് വാസുദേവന്‍, ഉദയ് ശങ്കരന്‍. പി.ആര്‍.ഒ. മഞ്ജു ഗോപിനാഥ്.
Recent Comments