മമ്മൂട്ടി നായകനായി എത്തുന്ന ബിഗ് ബജറ്റ് ഗെയിം ത്രില്ലറായ ബസൂക്കയുടെ ആദ്യ ടീസര്‍ പുറത്ത്. ഡിനോ ഡെന്നിസാണ് ചിത്രത്തിന്റെ സംവിധായകന്‍. തിരക്കഥാകൃത്ത് കലൂര്‍ ഡെന്നിസിന്റെ മകനാണ് ഡിനോ. ചിത്രം നിര്‍മ്മിച്ചിരിക്കുന്നത് സരിഗമ ഇന്ത്യ ലിമിറ്റഡും, തീയേറ്റര്‍ ഓഫ് ഡ്രീംസിന്റെ ബാനറില്‍ ജിനു വി. അബ്രഹാമും, ഡോള്‍വിന്‍ കുര്യാക്കോസുമാണ്.
വളരെ സ്‌റ്റൈലിഷായ ലുക്കിലാണ് മമ്മൂട്ടി ടീസറില്‍ പ്രത്യക്ഷപ്പെടുന്നത്. ഗൗതം മേനോന്റെ മാസ് രംഗത്തോടെയാണ് ടീസര്‍ തുടങ്ങുന്നത്. അതിനാല്‍ ചിത്രത്തില്‍ മമ്മൂട്ടിയുടെ മാസ് രംഗങ്ങളും പ്രതീക്ഷിക്കാവുന്നതാണ്. നിങ്ങളുടെ റോള്‍ എന്താണെന്ന് ചോദിക്കുമ്പോള്‍, ‘നമ്മള്‍ ചെയ്യാത്ത റോളൊന്നുമില്ല ഭായ്’ എന്നുള്ള മമ്മൂട്ടിയുടെ മറുപടി ടീസര്‍ കാണുന്ന പ്രേക്ഷകരില്‍ രോമാഞ്ചം ഉണര്‍ത്തുന്നു.
പ്രശസ്ത തമിഴ് സംവിധായകനും നടനുമായ ഗൗതം വാസുദേവ് മേനോന്‍ ഒരു നിര്‍ണ്ണായക കഥാപാത്രത്തെ അവതരിപ്പിക്കുന്ന ഈ ചിത്രത്തില്‍ സിദ്ധാര്‍ത്ഥ് ഭരതന്‍, ബാബു ആന്റണി, ഹക്കീം ഷാജഹാന്‍, ഭാമ അരുണ്‍, ഡീന്‍ ഡെന്നിസ്, സുമിത് നേവല്‍, ദിവ്യാ പിള്ള, സ്ഫടികം ജോര്‍ജ് എന്നിവരും അഭിനയിച്ചിട്ടുണ്ട്.
Recent Comments