വിശാഖ് നായരെ കേന്ദ്ര കഥാപാത്രമാക്കി നവാഗതനായ ഷഹീന്‍ സംവിധാനം ചെയ്ത ‘എക്‌സിറ്റി’ന്റെ ട്രെയിലര്‍ റിലീസായി. മഞ്ജു വാര്യരുടെഫേസ് ബുക്ക് പേജിലൂടെയാണ് ട്രെയിലര്‍ റിലീസ് ചെയ്തത്. ഒരു കംപ്ലീറ്റ് ഡാര്‍ക്ക് മൂഡില്‍ ഒരുക്കിയ ചിത്രം മാര്‍ച്ച് 8ന് തീയറ്ററുകളില്‍ എത്തും. ചങ്ങലയില്‍ പൂട്ടിയിട്ട ഒരു മനുഷ്യന്റെ വിചിത്രമായ രൂപവും മൃഗസമാനമായ പ്രകൃതവും കാണിക്കുന്നതാണ് ട്രെയിലര്‍. സംഭാഷണമില്ലാതെ, അനിമല്‍ ഫ്ളോയില്‍ സഞ്ചരിക്കുന്ന കഥാപാത്രവുമായി എത്തുന്ന മലയാളത്തിലെ ആദ്യ ഫോക്‌സി ആക്ഷന്‍ സര്‍വൈവല്‍ ചിത്രമാണ് ‘എക്‌സിറ്റ്. ബ്ലൂം ഇന്റര്‍നാഷണലിന്റെ ബാനറില്‍ വേണുഗോപാലകൃഷ്ണനാണ് ചിത്രം നിര്‍മ്മിക്കുന്നത്.
മലയാളത്തില്‍ പരീക്ഷണടിസ്ഥാനത്തില്‍ ഇറങ്ങുന്ന ചിത്രം ഒറ്റ രാത്രിയില്‍ നടക്കുന്ന കഥയാണ് പറയുന്നത്. മലയാളത്തിന് പുറമേ തമിഴിലുമായിട്ടാണ് ചിത്രം പ്രേക്ഷകര്‍ക്ക് മുന്‍പില്‍ എത്തുക. നവാഗതനായ അനീഷ് ജനാര്‍ദ്ദനന്റേതാണ് തിരക്കഥ. തൊണ്ണൂറുകളിലെ മലയോര ഗ്രാമത്തിലെ ഒരു ബംഗ്ലാവില്‍ ഒരു രാത്രി അകപ്പെട്ടു പോവുന്ന നാല് ചെറുപ്പക്കാരുടെ കഥയാണ് ചിത്രം പറയുന്നത്.
വിശാഖിനെ കൂടാതെ തമിഴ് നടന്‍ ശ്രീറാം, വൈശാഖ് വിജയന്‍, ആഷ്‌ലിന്‍ ജോസഫ്, പുതുമുഖം ശ്രേയസ്, ഹരീഷ് പേരടി, റെനീഷ റഹ്‌മാന്‍ തുടങ്ങിയവരും ചിത്രത്തിലുണ്ട്. ‘പസംഗ’ എന്ന തമിഴ് ചിത്രത്തിലൂടെ ദേശീയ പുരസ്‌കാര ജേതാവാണ് ശ്രീറാം. ഛായാഗ്രഹണം – റിയാസ് നിജാമുദ്ദീന്‍, എഡിറ്റിങ് – നിഷാദ് യൂസഫ്, പ്രൊഡക്ഷന്‍ കണ്‍ട്രോളര്‍ – ജാവേദ് ചെമ്പ്, സംഗീതം – ധനുഷ് ഹരികുമാര്‍, വിമല്‍ജിത്ത് വിജയന്‍, സൗണ്ട് ഡിസൈന്‍ – രംഗനാഥ് രവി, കലാസംവിധാനം – എം.കോയാസ്, കോസ്റ്റ്യൂം ഡിസൈന്‍ – ശരണ്യ ജീബു, മേക്കപ്പ് – സുരേഷ്, ചീഫ് അസോസിയേറ്റ് ഡയറക്ടര്‍ – ഫൈസല്‍ ഷാ, അസോസിയേറ്റ് ഡയറക്ടര്‍ – അമല്‍ ബോണി, ഡി.ഐ – ജോയ്‌നര്‍ തോമസ്, ആക്ഷന്‍ – റോബിന്‍ച്ചാ, പി.ആര്‍.ഒ – മഞ്ജു ഗോപിനാഥ്. ഡിസൈന്‍സ് – യെല്ലോ ടൂത്ത്.
Recent Comments