അമ്മയുടെ ആസ്ഥാനമന്ദിരത്തിന്റെ ഉദ്ഘാടനത്തോടനുബന്ധിച്ച് താരസംഘടനയുടെ പ്രസിഡന്റായ മോഹന്‍ലാല്‍ പുതിയ സിനിമ നിര്‍മ്മിക്കുന്നതിനെക്കുറിച്ച് പത്രസമ്മേളനത്തില്‍ വ്യക്തമാക്കി. പ്രിയദര്‍ശന്‍ സംവിധാനം നിര്‍വ്വഹിക്കുന്ന ചിത്രം ഒരു ഇന്‍വെസ്റ്റിഗേറ്റീവ് ക്രൈം ത്രില്ലറായിരിക്കുമെന്ന് അദ്ദേഹം പറഞ്ഞു. രാജീവ്കുമാറാണ് കഥ, തിരക്കഥ, സംഭാഷണം രചിക്കുന്നത്.
ഈ ചിത്രത്തിന്റെ ടൈറ്റില്‍ ഇനിയും നാമകരണം ചെയ്തിട്ടില്ല. ഈ പുതിയ സിനിമയ്ക്കായി ജനപങ്കാളിത്തം നേടാന്‍ ഒരു ടൈറ്റില്‍ മത്സരം നടത്തുകയാണ് അതിന്റെ അണിയറക്കാര്‍. ഏറ്റവും അനുയോജ്യമായ പേര് നിര്‍ദ്ദേശിക്കുന്ന ആളിന് സമ്മാനം നല്‍കുന്നത് മമ്മൂട്ടിയും മോഹന്‍ലാലും ചേര്‍ന്നായിരിക്കും. മത്സരത്തിന്റെ നിയമങ്ങളും നിര്‍ദ്ദേശങ്ങളും മറ്റും ആശിര്‍വാദ് സിനിമാസിന്റെ വെബ്‌സൈറ്റിലും സാമൂഹ്യ മാധ്യമങ്ങളിലും ലഭിക്കുന്നതാണ്.
ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്ന താരനിബിഡമായ ഈ ചിത്രത്തിന്റെ കേന്ദ്രകഥാപാത്രങ്ങളാവുന്നത് മമ്മൂട്ടിയും മോഹന്‍ലാലുമാണ്.
Recent Comments