ടി.കെ. രാജീവ്കുമാര്‍ സംവിധാനം ചെയ്യുന്ന ചിത്രത്തിന് പേരിട്ടു, ബര്‍മുഡ. ഇന്ന് രാവിലെ ട്രിവാന്‍ഡ്രം ക്ലബ്ബില്‍ നടന്ന ചടങ്ങില്‍വച്ചാണ് ചിത്രത്തിന്റെ ടൈറ്റില്‍ റിലീസ് ചെയ്തത്.
ഷെയ്ന്‍ നിഗമാണ് ചിത്രത്തിലെ നായകന്‍. നായിക ശെയ് ലീകൃഷന്‍. സന്തോഷ് ശിവന്റെ ജാക്ക് ആന്റ് ജില്‍, മോഹ എന്നീ ചിത്രങ്ങളില്‍ അഭിനയിച്ചിട്ടുള്ള ശെയ് ലി ആമസോണിലൂടെ പ്രദര്‍ശനത്തിന് തയ്യാറാകുന്ന ദ് ലാസ്റ്റ് ഹവര്‍ എന്ന വെബ് സീരിയസിലെ പ്രധാന താരവുമാണ്.
ശെയ് ലിയുമായുള്ള അഭിമുഖം മൂന്നാഴ്ച മുമ്പ് കാന്‍ ചാനലിന്റെ വെബ്പേജില്‍ വെബ്സൈറ്റില്‍ പ്രസിദ്ധീകരിച്ചിരുന്നു. അത് കണ്ടിട്ടാണ് രാജീവ്കുമാര്‍ വിളിച്ചത്. ശെയ്ലിയെക്കുറിച്ച് അന്വേഷിച്ചിരുന്നു. ശെയ് ലിയുടെ കോണ്ടാക്ട് നമ്പറും ആവശ്യപ്പെട്ടു. തുടര്‍ന്ന് രാജീവ്കുമാര്‍ തന്നെ ശെയ് ലിയെ നേരിട്ട് വിളിക്കുകയായിരുന്നു. ശെയ്ലി സന്തോഷപൂര്‍വ്വം ടി.കെയുടെ ക്ഷണം സ്വീകരിച്ചു. കാശ്മീരിലെ അനന്ദ്നാഗില്‍ ജനിച്ച കാശ്മീരി പണ്ഡിറ്റ് കുടുംബാംഗമാണ് ശെയ്ലികൃഷന്‍. പരസ്യചിത്രങ്ങളിലൂടെയാണ് തുടക്കം. തുടര്‍ന്നാണ് സന്തോഷ് ശിവന്റെ അടക്കമുള്ള സിനിമകളില്‍ അഭിനയിക്കുന്നത്.
ഷെയ്ന്‍ നിഗത്തെയും ശെയ്‌ലീകൃഷനെയും കൂടാതെ വിനയ് ഫോര്‍ട്ട്, സുധീര്‍ കരമന, കോട്ടയം നസീര്‍, ദിനേഷ് പണിക്കര്‍, നന്ദു, ശ്രീകാന്ത് മുരളി, ഹരീഷ് കണാരന്‍, നിരഞ്ജന അനൂപ്, ഗൗരീനന്ദ, നൂറിന്‍ ഷെരീഫ് എന്നിവരും താരനിരയിലുണ്ട്.
ഇന്ദുഗോപന്‍ എന്നാണ് ഷെയ്ന്‍ നിഗം അവതരിപ്പിക്കുന്ന കഥാപാത്രത്തിന്റെ പേര്. ഇന്ദുഗോപന്‍ സബ് ഇന്‍സ്‌പെക്ടര്‍ ജോഷ്വായുടെ അടുത്ത് ഒരു പരാതിയുമായി എത്തുന്നിടത്തുന്നിന്നാണ് സിനിമയുടെ കഥ വികസിക്കുന്നത്. തീര്‍ത്തും നര്‍മ്മ പശ്ചാത്തലത്തിലാണ് സിനിമ പറയുന്നത്.
ട്വന്റിഫോര്‍ ഫ്രെയിംസിന്റെ ബാനറില്‍ സൂരജ്, ബിജു, ബാദുഷ എന്നിവര്‍ ചേര്‍ന്നാണ് ഈ ചിത്രം നിര്‍മ്മിക്കുന്നത്.
ബര്‍മുഡയുടെ ഷൂട്ടിംഗ് തിരുവനന്തപുരത്ത് ആരംഭിച്ചു.
ശെയ് ലീകൃഷന്‍ കാന്‍ ചാനലിന് നല്‍കിയ അഭിമുഖം വായിക്കാം: Shaylee Krishen
Recent Comments