കവിയും, ഗാനരചയിതാവും തിരക്കഥാകൃത്തും സംവിധായകനുമായ പി. ഭാസ്‌കരന്‍, സംവിധായകന്‍ എ. വിന്‍െസന്റ്, നടന്‍ കുതിരവട്ടം പപ്പു എന്നിവരുടെ ഓര്‍മ്മദിവസമാണ് ഫെബ്രുവരി 25. ഈ അപൂര്‍വ്വതയാവണം മൂന്നുപേര്‍ക്കും സ്മരണാഞ്ജലി അര്‍പ്പിക്കാന്‍ നീലവെളിച്ചം ടീമിന് പ്രചോദനമായത്.
അന്‍പത്തെട്ട് വര്‍ഷങ്ങള്‍ക്കുമുമ്പ്, കൃത്യമായി പറഞ്ഞാല്‍ 1964 നവംബര്‍ 22 നാണ് ഭാര്‍ഗവിനിലയം എന്ന ചലച്ചിത്രം പ്രദര്‍ശനത്തിനെത്തിയത്. വൈക്കം മുഹമ്മദ് ബഷീറിന്റെ തിരക്കഥയില്‍ എ. വിന്‍സെന്റ് സംവിധാനം ചെയ്ത ചിത്രമായിരുന്നു ഭാര്‍ഗവിനിലയം. അതിലെ മനോഹരമായ ഗാനങ്ങള്‍ എഴുതിയത് പി. ഭാസ്‌കരനായിരുന്നു. ചിത്രത്തില്‍ ചെറുതല്ലാത്തൊരു വേഷം ചെയ്തത് കുതിരവട്ടം പപ്പുവും. കുതിരവട്ടം പപ്പു എന്നായിരുന്നു ആ കഥാപാത്രത്തിന്റെയും പേര്. ഇവര്‍ മൂന്നുപേരും അന്തരിച്ചത് ഫെബ്രുവരി 25 നാണ്. ഇവര്‍ക്ക് മൂന്നുപേര്‍ക്കും സ്മരണാഞ്ജലി അര്‍പ്പിച്ചിരിക്കുകയാണ് നീലവെളിച്ചം ടീം.
ഭാര്‍ഗവിനിലയത്തിന്റെ റീമേക്കാണ് നീലവെളിച്ചം. ആഷിക്ക് അബുവാണ് ചിത്രം സംവിധാനം ചെയ്യുന്നത്. ഏപ്രിലില്‍ ചിത്രം തീയേറ്ററുകളില്‍ പ്രദര്‍ശനത്തിനെത്തും.
Recent Comments