ഹോളിവുഡ് താരം ടോം ഹാര്‍ഡി നായകനായി എത്തുന്ന വെനം 2:ലെറ്റ് ദേര്‍ ബി എ കാര്‍ണേജ്, കേരളത്തിലെ തിയേറ്ററുകളില്‍ ഒക്ടോബര്‍ 27ന് റിലീസിന് ഒരുങ്ങുന്നു. കേരളം ഒഴികെ ഇന്ത്യ ഒട്ടാകെ ചിത്രം ഒക്ടോബര്‍ 14ന് റിലീസ് ചെയ്തിരുന്നു. പ്രദര്‍ശനത്തിനെത്തിയ ആദ്യ ആഴ്ചയില്‍ 15.50 കോടി രൂപയാണ് ഇന്ത്യന്‍ വിപണിയില്‍ നിന്ന് ചിത്രം കളക്ട് ചെയ്തത്.
ആന്‍ഡി സെര്‍കിസ് സംവിധാനം ചെയ്ത ചിത്രം, 2018ല്‍ പുറത്തിറങ്ങിയ ‘വെനം’ത്തിന്റെ തുടര്‍ച്ചയാണ്.
എഡ്ഡി ബ്രൂക് എന്ന കഥാപാത്രത്തെയാണ് ടോം ഹാര്‍ഡി അവതരിപ്പിക്കുന്നത്. വെനം എന്ന ഏലിയന്‍ എഡ്ഡിയുടെ ശരീരത്തില്‍ പ്രവേശിച്ചത്തിന് ശേഷമുള്ള സംഭവവികസനങ്ങളാണ് ആദ്യ ഭാഗത്ത് വിവരിക്കുന്നത്.റൂബന്‍ ഫ്‌ളഷ്ച്ചര്‍ ആണ് ആദ്യ ഭാഗം സംവിധാനം ചെയ്തത്.
വൂഡി ഹാരെല്‍സണ്‍ ആണ് വെനം 2ല്‍ വില്ലന്‍ കഥാപാത്രമായ കാര്‍ണേജിനെ അവതരിപ്പിക്കുന്നത്. മിഷല്ലെ വില്യംസ്, നയോമി ഹാരിസ്, റീഡ് സ്‌കോട്ട്, സ്റ്റീഫന്‍ ഗ്രഹാം എന്നിവര്‍ മറ്റ് പ്രധനവേഷങ്ങളിലെത്തുന്നു.
കെല്ലി മാര്‍സല്‍ ആണ് തിരക്കഥ ഒരുക്കിയിരിക്കുന്നത്.
കൊളമ്പിയ പിക്‌ച്ചേഴ്‌സും ടെന്‍സെന്റ് പിക്‌ച്ചേഴ്‌സും മാര്‍വെലുമായി സഹകരിച്ചാണ് ചിത്രം നിര്‍മ്മിച്ചത്.വെനം ഒരു മാര്‍വെല്‍ കോമിക്‌സ് കഥാപാത്രമാണ്. സോണി പിക്‌ച്ചേഴ്‌സ് ആണ് ചിത്രം വിതരണത്തിന് എത്തിക്കുന്നത്. വിദേശ രാജ്യങ്ങളില്‍ ഈ വര്‍ഷം സെപ്റ്റംബര്‍ 14ന് ചിത്രം റിലീസ് ചെയ്തിരുന്നു.
Recent Comments