കൊല്ലം ഉപാസന ഹോസ്പിറ്റലിന്റെ ജൂബിലി ആഘോഷങ്ങളില്‍ പങ്കുകൊള്ളാനായി നടന്‍ മോഹന്‍ലാല്‍ നാളെ കൊല്ലത്തെത്തും. സി. കേശവന്‍ മെമ്മോറിയല്‍ ഠൗണ്‍ഹാളില്‍വച്ചാണ് ചടങ്ങുകള്‍ നടക്കുന്നത്. ഉപാസന ഹോസ്പിറ്റലിന്റെ ലോഗോയും ബ്രാന്റ് ഐഡന്റിറ്റിയും മോഹന്‍ലാല്‍ അനാവരണം ചെയ്യും. ഇതിനുവേണ്ടി അദ്ദേഹം കൊച്ചിയില്‍നിന്ന് ഹെലികോപ്റ്റര്‍ മാര്‍ഗ്ഗം കൊല്ലത്തെത്തും. ഉദ്ഘാടന ചടങ്ങിന് പിന്നാലെ അദ്ദേഹം കൊച്ചിയിലേയ്ക്ക് മടങ്ങും. ബറോസിന്റെ ഷൂട്ടിംഗ് ലൊക്കേഷനില്‍നിന്നാണ് ലാല്‍ എത്തുന്നത്. ആന്റണി പെരുമ്പാവൂരും ലാലിനെ അനുഗമിക്കുന്നുണ്ട്.
ഉപാസന ഹോസ്പിറ്റലിന്റെ ജൂബിലി ആഘോഷങ്ങളുടെ ഉദ്ഘാടനം ധനകാര്യമന്ത്രി കെ.എന്‍. ബാലഗോപാല്‍ നിര്‍വ്വഹിക്കും. പോസ്റ്റ് കോവിഡ് കെയര്‍ സെന്ററിന്റെ ഉദ്ഘാടനം എം. നൗഷാദ് എം.എല്‍.എയും മൈന്റ് ആന്റ് ബിഹേവിയര്‍ ക്ലീനിക്കിന്റെ ഉദ്ഘാടനം എം. മുകേഷ് എം.എല്‍.എയും മാതൃ-ശിശു വിഭാഗത്തിന്റെ ഉദ്ഘാടനം പി.സി. വിശ്വനാഥ് എം.എല്‍.എയും ഇഎന്‍ടി വിഭാഗത്തിന്റെ പ്രവര്‍ത്തനോദ്ഘാടനം ഭാരതീയ ജനതാപാര്‍ട്ടി സംസ്ഥാന അദ്ധ്യക്ഷന്‍ കെ. സുരേന്ദ്രനും നിര്‍വ്വഹിക്കും. ഡോ. മനോജ്കുമാര്‍ വി.വി. ആണ് മുഖ്യ പ്രഭാഷണം നടത്തുന്നത്. ആര്‍.പി. ഗ്രൂപ്പ് ചെയര്‍മാന്‍ ഡോ. ബി. രവിപിള്ള സ്വാഗതവും മെഡിക്കല്‍ സൂപ്രണ്ട് ഡോ. സജീഷ് എസ്.ആര്‍. നന്ദിയും പറയും. ആര്‍.പി. ഗ്രൂപ് വൈസ് ചെയര്‍മാന്‍ ഗണേഷ് രവിപിള്ളയും ചടങ്ങില്‍ പങ്കെടുക്കും.
Recent Comments