മായാനദി എന്ന സിനിമയിലൂടെ യുവഹൃദയങ്ങളെ ഏറെ ആകര്‍ഷിച്ച താരജോഡികളായ ടൊവിനോയും ആശ്വര്യലക്ഷ്മിയും കാണെക്കാണെ എന്ന ചിത്രത്തിലൂടെ വീണ്ടും ഒന്നിക്കുന്നു. മനു അശോകനാണ് ചിത്രം സംവിധാനം ചെയ്യുന്നത്. ബോബി സഞ്ജയ് ടീം തിരക്കഥ ഒരുക്കുന്ന ചിത്രത്തില്‍ ഏറെ പ്രാധാന്യമുള്ള മറ്റു രണ്ട് കഥാപാത്രങ്ങളെ സുരാജ് വെഞ്ഞാറമ്മൂടും ശ്രുതി രാമചന്ദ്രനും അവതരിപ്പിക്കുന്നു. ഉയരെയ്ക്കുശേഷം മനു അശോകനും ബോബി സഞ്ജയ് ടീമും ഒന്നിക്കുന്ന ചിത്രംകൂടിയാണിത്.
1983, ക്യൂന്‍, എന്നീ സിനിമകള്‍ക്കുശേഷം ടി.ആര്‍. ഷംസുദ്ദീന്‍ ഡ്രീംകാച്ചര്‍ പ്രൊഡക്ഷന്‍സിന്റെ ബാനറില്‍ ഒരുക്കുന്ന കാണെക്കാണെ ആദ്യപോസ്റ്റര്‍ കൊണ്ടുതന്നെ ഏറെ ശ്രദ്ധേയമായി. രഞ്ജിന്‍രാജ് സംഗീതസംവിധാനം നിര്‍വ്വഹിക്കുന്ന ചിത്രത്തിന്റെ ഛായാഗ്രഹകന്‍ ആല്‍ബി ആന്റണിയും എഡിറ്റര്‍ അഭിലാഷ് ബാലചന്ദ്രനുമാണ്. ഒക്‌ടോബര്‍ മധ്യത്തോടെ ചിത്രീകരണം ആരംഭിക്കുന്ന കാണെക്കാണെയുടെ പ്രൊഡക്ഷന്‍ കണ്‍ട്രോളര്‍ ഷബീര്‍ പെരിന്തല്‍മണ്ണയും ചീഫ് അസോസിയേറ്റ് ഡയറക്ടര്‍ സനീഷ് സെബാസ്റ്റ്യനുമാണ്. പി.ആര്‍.ഒ. മഞ്ജു ഗോപിനാഥ്‌.
Recent Comments