ഇത്തവണത്തെ ഓണം ആഘോഷമാക്കാന്‍ അജയനും എത്തുന്നു. പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ടോവിനോ ചിത്രം ‘അജയന്റെ രണ്ടാം മോഷണം’ (എ.ആര്.എം) സെപ്റ്റംബറില്‍ ഓണം റിലീസായി തിയേറ്ററുകളില്‍ എത്തും. ചിത്രത്തിന്റെ റിലീസ് അനൗണ്‍സ്‌മെന്റ് വീഡിയോ പുറത്തിറങ്ങി.
കാലത്തിന് കുഴിച്ചുമൂടാന്‍ കഴിയാത്ത ചിയോതിക്കാവിന്റെ നിഗൂഢതയുടെ ചുരുളഴിക്കാന്‍ ഈ ഓണത്തിന് അജയന്‍ എത്തുന്നു എന്ന ക്യാപ്ഷനോടെയണ് വീഡിയോയും പോസ്റ്ററും റിലീസ് ചെയ്തത്.
3Dയിലും 2D യിലുമായി ഒരുങ്ങുന്ന ചിത്രം മലയാള സിനിമയുടെ ചരിത്രത്തില്‍ തന്നെ ഏറ്റവും വലിയ ബഡ്ജറ്റില്‍ പൂര്‍ത്തിയാക്കുന്ന സിനിമകളില്‍ ഒന്നാണ്. മൂന്ന് വേഷങ്ങളിലാണ് ചിത്രത്തില്‍ ടൊവിനോ തോമസ് എത്തുന്നത്. മണിയന്‍, അജയന്‍, കുഞ്ഞികേളു എന്നീ വ്യത്യസ്തമായ മൂന്ന് കഥാപാത്രങ്ങളെയാണ് നടന്‍ ചിത്രത്തില്‍ അവതരിപ്പിക്കുന്നത്.
സംഘട്ടന രംഗങ്ങള്‍ക്ക് ഏറെ പ്രാധാന്യമുള്ള ചിത്രത്തിന് വേണ്ടി ടോവിനോ കളരി അഭ്യസിച്ചിരുന്നതും ശ്രദ്ധേയമാണ്. എന്ന് നിന്റെ മൊയ്തീന്‍, കുഞ്ഞിരാമായണം, ഗോദ, കല്‍ക്കി എന്നി ചിത്രങ്ങളുടെ സഹ സംവിധായകനായ ജിതിന്‍ ലാലിന്റെ ആദ്യ സംവിധാന സംരഭമാണ് അജയന്റെ രണ്ടാം മോഷണം. മൂന്ന് കാലഘട്ടങ്ങളിലൂടെ സഞ്ചരിക്കുന്ന ഒരു എന്റര്‍ടെയ്‌നറായിട്ടാണ് ‘അജയന്റെ രണ്ടാം മോഷണം’ ഒരുക്കിയിരിക്കുന്നത്. കളരിക്ക് ഏറെ പ്രാധാന്യം നല്‍കുന്ന ചിത്രം മൂന്ന് കാലഘട്ടങ്ങളിലുടെയാണ് കടന്നു പോകുന്നത്. മലയാളം, ഹിന്ദി, തമിഴ്, തെലുങ്ക്, കന്നഡ എന്നിങ്ങനെ അഞ്ചു ഭാഷകളിലായി വേള്‍ഡ് വൈഡ് റിലീസായി ‘എആര്‍എം’ പ്രേക്ഷകര്‍ക്ക് മുന്നിലെത്തും.
ഇതിഹാസകരമായ ഒരനുഭവം ആയിരിക്കും ചിത്രം പ്രേക്ഷകര്‍ക്ക് സമ്മാനിക്കുക. കുട്ടികള്‍ക്കും മുതിര്‍ന്നവര്‍ക്കും ഒരുപോലെ ആസ്വദിക്കാന്‍ കഴിയുന്ന ഒരു ഫാന്റസി ചിത്രമാണ് അജയന്റെ രണ്ടാം മോഷണം. 118 ദിവസങ്ങള്‍ കൊണ്ടാണ് ചിത്രത്തിന്റെ ഷൂട്ടിങ് പൂര്‍ത്തിയാക്കിയത്. ‘ഇതിഹാസം’ എന്ന വിശേഷണം ഒട്ടും കൂടുതലല്ല, കാരണം തുടക്കക്കാര്‍ക്ക് ഇതൊരു പീരിയഡ് സിനിമയാണെങ്കിലും അതിലുപരി എനിക്ക് ഇത് എന്റെ ജീവിതത്തില്‍ കിട്ടിയ ഏറ്റവും വലിയ അനുഭവമായിരുന്നെന്ന് ടോവിനോ പറഞ്ഞിട്ടുള്ളതാണ്. പ്രേക്ഷകര്‍ക്കും അതുപോലെതന്നെ ആയിരിക്കും. പ്രേക്ഷകര്‍ ഇഷ്ടപ്പെടുന്ന നല്ല ചിത്രങ്ങളുടെ ലിസ്റ്റില്‍ ഈ ചിത്രം ഇടം പിടിക്കും എന്നത് ഊട്ടിയുറപ്പിക്കുന്നതാണ് ചിത്രത്തിന്റേതായി റിലീസ് ആയ ഓരോ അപ്‌ഡേറ്റുകളും.
ടൊവിനോയ്ക്കൊപ്പം കൃതി ഷെട്ടി, ഐശ്വര്യ രാജേഷ്, സുരഭി ലക്ഷ്മി, ബേസില്‍ ജോസഫ്, ജഗദീഷ്, കബീര്‍ സിംഗ് ദുഹാന്‍, സഞ്ജു ശിവറാം, ശിവജിത്ത്, രോഹിണി, ഹരീഷ് ഉത്തമന്‍, നിസ്താര്‍ സേഠ്, ജഗദിഷ്, പ്രമോദ് ഷെട്ടി, അജു വര്‍ഗീസ്, സുധീഷ്, സന്തോഷ് കീഴാറ്റൂര്‍, ശിവരാജ് തുടങ്ങി നിരവധി താരങ്ങളും ചിത്രത്തില്‍ വേഷമിടുന്നുണ്ട്.
തെലുങ്ക് ചിത്രങ്ങളിലൂടെ പ്രശസ്തി നേടിയ കൃതി ഷെട്ടിയുടെ ആദ്യ മലയാളം സിനിമയാണ് എ ആര് എം. മൂന്നു കാലഘട്ടങ്ങളുടെ കഥ പറയുന്ന അജയന്റെ രണ്ടാം മോഷണം പാന്‍ ഇന്ത്യന്‍ സിനിമയായിട്ടാണ് പ്രേക്ഷകര്‍ക്ക് മുന്നില്‍ എത്തിക്കുന്നത്. ഇന്ത്യയില്‍ ആദ്യമായി ആരി അലക്സ സൂപ്പര്‍35 ക്യാമറയില്‍ ഷൂട്ട് ചെയ്യുന്ന സിനിമ കൂടിയാണ് അജയന്റെ രണ്ടാം മോഷണം.
വമ്പന്‍ ബഡ്ജറ്റില്‍ ഒരുങ്ങുന്ന ചിത്രം മാജിക് ഫ്രെയിംസ്, യു ജി എം മോഷന്‍ പിക്‌ചേര്‍സ് എന്നീ ബാനറുകളില്‍ ലിസ്റ്റിന്‍ സ്റ്റീഫന്‍, ഡോ. സക്കറിയ തോമസ്, എന്നിവര്‍ ചേര്‍ന്നാണ് നിര്‍മിക്കുന്നത്. സുജിത് നമ്പ്യാരാണ് തിരക്കഥ ഒരുക്കുന്നത്. തമിഴിലെ ഹിറ്റ് മ്യൂസിക് ഡയറക്ടര്‍ ദീപു നൈനാന്‍ തോമസാണ് സംഗീത സംവിധാനം. ലിറിക്‌സ്: മനു മന്‍ജിത്ത്. ദീപു പ്രദീപാണ് അഡിഷണല്‍ സ്‌ക്രീന്‍പ്ലേ നിര്‍വഹിച്ചിരിക്കുന്നത്. ജോമോന്‍ ടി ജോണ്‍ ആണ് ഛായാഗ്രഹണം. എഡിറ്റര്‍ ഷമീര്‍ മുഹമ്മദ്. പ്രൊഡക്ഷന്‍ ഡിസൈന്‍: ഗോകുല്‍ ദാസ്. മേക്കപ്പ്: റോണക്‌സ് സേവ്യര്‍.കോസ്റ്റ്യൂം ഡിസൈന്‍: പ്രവീണ്‍ വര്‍മ്മ. പ്രൊഡക്ഷന്‍ കണ്‍ട്രോളര്‍: പ്രിന്‍സ് റാഫേല്‍, ഹര്‍ഷന്‍ പട്ടാഴി. സ്റ്റണ്ട്: വിക്രം മോര്‍, ഫീനിക്‌സ് പ്രഭു. പി ആര് ഓ മഞ്ജു ഗോപിനാഥ് എന്നിവരാണ് മറ്റ് അണിയറ പ്രവര്‍ത്തകര്‍.
ചിത്രം 3D യിലും 2D യിലുമായി വേള്‍ഡ് വൈഡായി റിലീസ് ചെയ്യും. വിതരണം മാജിക് ഫ്രെയിംസ്.
Recent Comments