രേവതി കലാമന്ദിറിന്റെ ബാനറില്‍ ജി. സുരേഷ് കുമാര്‍ നിര്‍മ്മിച്ച് വിഷ്ണു ജി. രാഘവ് തിരക്കഥയെഴുതി സംവിധാനം ചെയ്യുന്ന ചിത്രമാണ് വാശി. ചിത്രത്തിന്റെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായി. ജൂണ്‍ പതിനേഴിന് തീയേറ്ററുകളിലെത്തും. ഉര്‍വ്വശി തീയേറ്റേഴ്‌സും രമ്യാ മൂവീസ്സും ചേര്‍ന്നാണ് പ്രദര്‍ശനത്തിനെത്തിക്കുന്നത്.
കോടതി മുറിക്കുള്ളില്‍ അങ്കം കുറിക്കുന്ന രണ്ട് അഭിഭാഷകര്‍. എബി മാത്യുവും മാധവി മോഹനും. പിന്നീട് ജീവിതത്തിലും ഇവര്‍ ഒന്നിക്കുകയാണ്. പിന്നീടുള്ള ഇവരുടെ ജീവിതത്തെ ഏറെ പിരിമുറുക്കത്തോടെ അവതരിപ്പിക്കുകയാണ് ചിത്രം.
ടൊവിനോ തോമസും കീര്‍ത്തി സുരേഷുമാണ് എബി മാത്യുവിനേയും മാധവി മോഹനേയും അവതരിപ്പിക്കുന്നത്. അനുമോഹന്‍, ബൈജു സന്തോഷ്, ഡോ. റോണി, നന്ദു കോട്ടയം രമേഷ്, ജി. സുരേഷ്‌കുമാര്‍, അനഘ നാരായണന്‍, വനിത കൃഷ്ണചന്ദ്രന്‍, മിഥുന്‍ എം., വിനോദ് തോമസ്, കൃഷ്ണന്‍ ബാലകൃഷ്ണന്‍, അമല്‍ദേവ്, മായാ വിശ്വനാഥ്, ഗീതി സംഗീത, ആര്.ജെ. രഘു, സീമാ ജി. നായര്‍, അര്‍മ്മിത അനീഷ്, അനഘ അശോക് എന്നിവരും പ്രധാന വേഷങ്ങളെ അവതരിപ്പിക്കുന്നു.
വിനായക് ശശികുമാറിന്റെ വരികള്‍ക്ക് കൈലാസ് മേനോന്‍ ഈണം പകര്‍ന്നിരിക്കുന്നു. നീല്‍ ഡി കുഞ്ഞ ഛായാഗ്രഹണവും അര്‍ജു ബെന്‍ എഡിറ്റിംഗും നിര്‍വ്വഹിക്കുന്നു.
Recent Comments