പൃഥ്വിരാജ്, ജയസൂര്യ, ഫഹദ് ഫാസില്‍, ദുല്‍ഖര്‍ സല്‍മാന്‍, ആസിഫ് അലി, സണ്ണിവെയ്ന്‍ തുടങ്ങിയവര്‍ക്ക് പിന്നാലെ ടൊവിനോതോമസും നിര്‍മ്മാണരംഗത്തേയ്ക്ക് കടക്കുന്നു. ടൊവിനോ തോമസ് പ്രൊഡക്ഷന്‍സ് എന്നാണ് ബാനറിന്റെ പേര്. ചിത്രീകരണം പൂര്‍ത്തിയായ കളയുടെ സഹനിര്‍മ്മാണം ഏറ്റെടുത്തുകൊണ്ടാണ് ടൊവിനോ നിര്‍മ്മാണരംഗത്തേയ്ക്ക് കടന്നുവരുന്നത്. സനല്‍കുമാര്‍ ശശിധരന്‍ സംവിധാനം ചെയ്യുന്ന വഴക്കിന്റെയും നിര്‍മ്മാണ പങ്കാളി ടൊവിനോയാണ്.
‘മികച്ച ചിത്രങ്ങളുടെ ഭാഗമാകാനാണ് ഈ നിര്‍മ്മാണ കമ്പനികൊണ്ട് ലക്ഷ്യമിടുന്നത്. ആ ചിത്രങ്ങളിലെ നായകന്‍ ടൊവിനോതോമസ് മാത്രമായിരിക്കില്ല.’ ടൊവിനോ നയം വ്യക്തമാക്കുന്നു.
ടൊവിനോയുടെ ജന്മദിനമായ ജനുവരി 21-ാം തീയതിയാണ് ഫെയ്‌സ്ബുക്കിലൂടെ തന്റെ നിര്‍മ്മാണ കമ്പനിയുടെ പ്രൊമോ വീഡിയോ പുറത്ത് വിട്ടത്. ലോഗോ ഡിസൈന്‍ ചെയ്തിരിക്കുന്നത് അഭിനേതാവ് കൂടിയായ പവിശങ്കറാണ്. മിന്നല്‍ മുരളിയില്‍ ടൊവിനോയോടൊപ്പം നല്ലൊരു വേഷം പവി ചെയ്യുന്നുണ്ട്. വീഡിയോ ചെയ്തിരിക്കുന്നത് വാട്ടര്‍ ആഡ്‌സ് എന്ന കമ്പനിയാണ്. ഗപ്പിയുടെ സംഗീതസംവിധായകന്‍ വിഷ്ണു വിജയ് ആണ് ഈണം നല്‍കിയിരിക്കുന്നത്.
Recent Comments