തല്ലുമാലയുടെ പ്രൊമോഷനുമായി ബന്ധപ്പെട്ട് ടൊവിനോ തോമസ് നാളെ ദുബായിലേയ്ക്ക് തിരിക്കും. എട്ടാംതീയതി നടക്കുന്ന വിവിധ പ്രൊമോഷന്‍ പരിപാടികളില്‍ ടൊവിനോയ്‌ക്കൊപ്പം കല്യാണി പ്രിയദര്‍ശനും പങ്കുകൊള്ളും. 9 ന് കേരളത്തിലേയ്ക്ക് മടങ്ങിയെത്തും. അന്നുതന്നെ കോഴിക്കോട്ടേയ്ക്ക് പോകും. അവിടെയും പ്രൊമോഷന്‍ പ്ലാന്‍ ചെയ്തിട്ടുണ്ട്. ആഗസ്റ്റ് 11 ന് എറണാകുളത്തെത്തുന്ന ടൊവിനോ ക്രൗണ്‍ പ്ലാസയില്‍ നടക്കുന്ന പത്രസമ്മേളനത്തിലും പങ്കുചേരും.
ഇപ്പോള്‍ തിരുവനന്തപുരത്താണ് ടൊവിനോ തോമസ് ഉള്ളത്. ഇന്ന് വൈകുന്നേരം ലുലു മാളിലാണ് തല്ലുമാലയുടെ പ്രൊമോഷന്‍ പരിപാടികള്‍. ഇതില്‍ പങ്കുകൊള്ളാനാണ് ടൊവി എത്തിയിരിക്കുന്നത്. ബിനു പപ്പു, ലുക്ക്മാന്‍ അവറാന്‍, സ്വാതിദാസ് തുടങ്ങിയവരും പ്രൊമോഷന്‍ പരിപാടികളുടെ ഭാഗമായി എത്തും.
ഖാലിദ് റഹ്‌മാന്‍ സംവിധാനം ചെയ്യുന്ന തല്ലുമാല ആഗസ്റ്റ് 12 നാണ് ലോകമൊട്ടുക്കുമുള്ള തീയേറ്ററുകളില്‍ പ്രദര്‍ശനത്തിനെത്തുന്നത്. ആഷിക്ക് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആഷിക് ഉസ്മാനാണ് ഈ ബിഗ് ബജറ്റ് ചിത്രം നിര്‍മ്മിക്കുന്നത്. സെന്‍ട്രല്‍ പിക്‌ച്ചേഴ്‌സിനാണ് വിതരണാവകാശം.
Recent Comments