വ്യത്യസ്തമായ കഥാപാത്രങ്ങളെ അവതരിപ്പിച്ച് പ്രേക്ഷകശ്രദ്ധ നേടിയ നടന്മാരിലൊരാളാണ് ഫഹദ് ഫാസില്‍. ഇപ്പോഴിതാ ഫഹദ് ഫാസിലിനെ നായകനാക്കി നവാഗത സംവിധായകന്‍ സജിമോന്‍ പ്രഭാകര്‍ ഒരുക്കുന്ന ചിത്രമാണ് മലയന്‍കുഞ്ഞ്. ചിത്രത്തില്‍ അനിക്കുട്ടന്‍ എന്ന കഥാപാത്രത്തെ അവതരിപ്പിച്ചുകൊണ്ടാണ്‌
ഫഹദ് പ്രേക്ഷകര്‍ക്ക് മുന്നിലെത്തുന്നത്. ചിത്രത്തിന്റെ ട്രെയിലര്‍ അണിയറക്കാര്‍ പുറത്തുവിട്ടിരിക്കുകയാണ്. ഒരു അഗാധ ഗര്‍ത്തത്തില്‍ നായകന്‍ അടപ്പെടുകയും അതില്‍നിന്ന് രക്ഷപ്പെടുകയും ചെയ്യുന്ന കാഴ്ചയാണ് ട്രെയിലറിന്റെ ഉള്ളടക്കം.
രജീഷ വിജയനാണ് ഫഹദിന്റെ നായിക. ഇന്ദ്രന്‍സ്, ജാഫര്‍ ഇടുക്കി, ജോണി ആന്റണി, ദീപക് പറമ്പോള്‍ തുടങ്ങിയവരും ചിത്രത്തിന്റെ ഭാഗമാകുന്നു. മഹേഷ് നാരായണനാണ് ചിത്രത്തിന്റെ രചനയും ഛായാഗ്രഹണവും നിര്‍വ്വഹിച്ചിരിക്കുന്നത്. എ.ആര്‍. റഹ്‌മാനാണ് സംഗീതമൊരുക്കിയിരിക്കുന്നത്. മുപ്പത് വര്‍ഷത്തിനുശേഷം ഒരു മലയാള സിനിമയ്ക്കുവേണ്ടി സംഗീതമൊരുക്കുന്നുവെന്ന പ്രത്യേകതയും ഈ ചിത്രത്തിനുണ്ട്. രണ്ട് ദിവസം മുമ്പ് ചിത്രത്തിന്റെ ലിറിക്കല്‍ ഗാനവും പുറത്തിറങ്ങിയിരുന്നു. ഗാനമാലപിച്ചിരിക്കുന്നത് വിജയ് യേശുദാസാണ്.
അര്‍ജു ബെന്‍ എഡിറ്റിംഗും രഞ്ജിത്ത് അമ്പാടി മേക്കപ്പും ധന്യ ബാലകൃഷ്ണന്‍ വസ്ത്രാലങ്കാരവും നിര്‍വ്വഹിച്ചിരിക്കുന്നു. ജൂലൈ 22 ന് ചിത്രം തീയേറ്ററുകളില്‍ പ്രദര്‍ശനത്തിനെത്തും. ഫാസില്‍ നിര്‍മ്മിക്കുന്ന ഈ ചിത്രം വിതരണം ചെയ്യുന്നത് സെഞ്ച്വറി പിക്ച്ചേഴ്സാണ്.
Recent Comments