ആരാധകര്‍ ഏറെ ആകാംഷയോടെ കാത്തിരിക്കുന്ന സൂര്യാ ചിത്രമാണ് സൂരറൈ പോട്ര്‌യുടെ ട്രെയിലര്‍ പുറത്തിറങ്ങി. കഴിഞ്ഞ വേനല്‍ അവധിക്കാലത്ത് പ്രദര്ശനത്തിനെത്തേണ്ടിയിരുന്ന ഈ സിനിമയുടെ റിലീസ് കൊറോണ ലോക് ഡൗണ്‍ കാരണം അനിശ്ചിതത്തിലാവുകയായിരുന്നു. ദീപാവലി പ്രമാണിച്ച് നവംബര്‍ 12-നു ആമസോണ്‍ പ്രൈം ഒടിടി പ്ലാറ്റ്‌ഫോമില്‍ ചിത്രം റിലീസ് ചെയ്യുമെന്ന് ഔദ്യോഗിഗമായി അറിയിച്ചു. ഇതിന്റെ മുന്നോടിയായി ട്രെയിലര്‍ പുറത്തിറക്കി. ആരാധകരെ ആവേശം കൊള്ളിച്ചു കൊണ്ട് ട്രെയിലര്‍ യുടുബില്‍ ലക്ഷോപലക്ഷം പേര്‍ കണ്ട് സോഷ്യല്‍ മീഡിയയില്‍ തരംഗമായിരിക്കയാണ്.
കുറഞ്ഞ നിരക്കില്‍ എയര്‍ ലൈന്‍ സ്ഥാപിച്ച റിട്ടയേര്‍ഡ് ആര്‍മി ക്യാപ്റ്റനും എയര്‍ ഡെക്കാന്‍ സ്ഥാപകനുമായ ജി.ആര്‍. ഗോപിനാഥിന്റെ ആത്മകഥയാണ് ചിത്രത്തിനാധാരം. സുധ കൊങ്കര സംവിധാനം ചെയ്യുന്ന ‘സൂരറൈ പോട്രി’ല്‍ അപര്‍ണ ബാലമുരളിയാണ് നായിക. ജി.വി പ്രകാശ് കുമാറാണ് ചിത്രത്തിനുവേണ്ടി പാട്ടുകള്‍ ഒരുക്കിയിരിക്കുന്നത്. ചിത്രത്തില്‍ സൂര്യ ഒരു പാട്ട് പാടുന്നുമുണ്ട്. തമിഴ് – തെലുങ്ക് കൂടാതെ മലയാളത്തിലും കന്നടത്തിലും ചിത്രം ഡബ്ബ് ചെയ്യുന്നുണ്ട്. ആമസോണ്‍ പ്രൈമില്‍ സൂരറൈ പോട്ര് റിലീസ് ചെയ്യും.
സി.കെ. അജയ്കുമാര്‍, പിആര്‍ഒ
Recent Comments