നാടകസംഘം സഞ്ചരിച്ചിരുന്ന മിനി ബസ് അപകടത്തിൽപ്പെട്ട് 2 പേർ മരിച്ചു. 12 പേർക്ക് പരിക്കേറ്റു. കണ്ണൂർ കേളകത്താണ് അപകടം നടന്നത്. കായംകുളം മുതുകുളം സ്വദേശി അഞ്ജലി(32), കരുനാഗപ്പള്ളി തേവലക്കര സ്വദേശി മോഹൻ എന്നിവരാണ് മരിച്ചത്. പരിക്കേറ്റ, ഉമേഷ് , ബിന്ദു, ചെല്ലപ്പൻ, സുരേഷ്, വിജയകുമാർ , ഷിബു, ഉണ്ണി, ശ്യാം , സുഭാഷ് എന്നിവരെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.പരിക്കേറ്റ ഒരാളുടെ നില ഗുരുതരമാണ്
വെള്ളിയാഴ്ച പുലർച്ചയോടെയായിരുന്നു അപകടം. കേളകം മലയാമ്പാടി റോഡിലെ എസ് വളവിൽ വച്ചാണ് നാടക സംഘം സഞ്ചരിച്ചിരുന്ന മിനിബസ് മറിഞ്ഞത്. ഡ്രൈവർ ഉറങ്ങിപ്പോയതാണ് അപകടകാരണമെന്നാണ് സൂചന.ദേവ കമ്മ്യൂണിക്കേഷൻ കായംകുളം എന്ന നാടക സംഘത്തിന്റെ ബസാണ് അപകടത്തിൽപ്പെട്ടത്. 14 പേരായിരുന്നു ബസിൽ ഉണ്ടായിരുന്നത്.
Recent Comments